Feb 16, 2017

මෙට්‍රොපොලිටන් - පැනසොනික් හවුල ඇරඹෙයි

ශ්‍රී ලංකාව තුළ සිය නවතම බෙදාහැරීමේ නියෝජිත ලෙස මෙට්‍රොපොලිටන් ටෙලිකොම් සර්විසර්ස් (පෞද්ගලික) සමාගම පත්කර ඇතැයි පැනසොනික් සමාගම නිවේදනය කරයි.

මේ බව නිවේදනය කෙරුණේ ඊයේ (15) කොළඹ පැවති මාධ්‍ය හමුවකදී ය.

මෙහිදී මෙරට අලෙවි වීමට නියමිත පැනසොනික් සමාගමේ නවතම ජංගම දුරකතන කිහිපයක් ද ප්‍රදර්ශනය කෙරුණි.

මෙට්‍රොපොලිටන් සමාගමේ අධ්‍යක්ෂක - සංජීව් ආරියරත්න, අලෙවි අංශ ප්‍රධානී - නාලක ධර්මසූරිය, සන්නාම නාම කළමනාකරු - ඊ.එම්. තරින්ද්‍ර නිරෝෂන් ද පැනසොනික් සමාගමෙන් තකුයා සුනාහන්සෙ, ප්‍රනේ ධබානි හා ශිවේන්දර් මල්හෝත්‍රා මෙම අවස්ථාවට සහභාගී විය.

මෙහිදී අදහස් දැක්වූ ආරියරත්න මහතා පවසා සිටියේ ජංගම දුරකතන ක්ෂේත්‍රයේ නවතම ජපන් තාක්ෂණය මෙරටට හඳුන්වාදීමට පැනසොනික් සමාගම හා එක්වීමට ලැබීම ඉමහත් ගෞරවයක් බවයි.

මාධ්‍ය හමුව ඇමතූ තකුයා සුනාහන්සෙ මහතා පැවසුවේ මෙරටට හඳුන්වාදීමට නියමිත නවතම ජංගම දුරකතන එකතුවත් සිය සමාගමේ ශක්තිමත් හවුල්කරුවා වන මෙට්‍රොපොලිටන් සමාගමත් සමග මෙම අවස්ථාවට සහභාගී වීමට ලැබීම පිළිබඳව සතුටු වන බවයි.

මෙලෙස ශ්‍රී ලංකාවට හඳුන්වාදුන් නවතම පැනසොනික් ජංගම දුරකතන වලට ඇන්ඩ්‍රොයිඩ් මාෂ්මෙලෝ මෙහෙයුම් පද්ධතියෙන් ක්‍රියාත්මක වන Eluga Mark 2, Eluga PRIM, P88, P77 හා T 44 මාදිලි ද, ඇන්ඩ්‍රොයිඩ් ලොලිපොප් මෙහෙයුම් පද්ධතියෙන් ක්‍රියාත්මක වන T30 මාදිලියද අයත්වේ.

penasonic

 

Leave a comment

Make sure you enter all the required information, indicated by an asterisk (*). HTML code is not allowed.

Top