Pasidol
Sathosa Ad Final Sinhala
15976 BM WEB BANNER 01
Sep 17, 2017

ආයෝජන මණ්ඩලයට 40යි!

සෘජු විදේශ ආයෝජනයන් සඳහා පහසුකම් සැලසීමේ මධ්‍යගත කේන්ද්‍රය ලෙස ස්ථාපිත ශ්‍රී ලංකා ආයෝජන මණ්ඩලයේ හතළිස් වසරක අභිමානවත් සැමරුම් උත්සවය ජනාධිපති මෛත්‍රීපාල සිරිසේන මැතිතුමාගේ සහ අග්‍රාමාත්‍ය රනිල් වි‍ක්‍රමසිංහ මහතාගේ ප්‍රධානත්වයෙන් ඊයේ (15) කටුනායක අපනයන සැලසුම් කලාපයේදී පැවැත්විණි.

හිටපු ජනාධිපති ජේ.ආර්. ජයවර්ධන මහතාගේ අනුරුවක් ද අපනයන සැලසුම් කලාපයේ දී ජනාධිපතිතුමා අතින් විවෘත කෙරිණි.

එමෙන්ම තෝරාගත් ආයෝජකයින් 40 දෙනෙකු වෙත විශිෂ්ඨතා සමරු තිළිණ පිළිගැන්වීම ද ජනාධිපතිතුමා සහ අගමැතිතුමා අතින් සිදු විය. රැකියා උත්පාදනය, ලංකා ආර්ථිකයට මෙම ආයෝජකයින් දක්වා ඇති දායකත්වය සහ ආයෝජන වටිනාකම් මෙහිදී සැලකිල්ලට ගෙන තිබේ.

ඊට සමගාමීව දිගුකාලීන සේවා දායකත්වයක් දක්වා ඇති ආයෝජන මණ්ඩලයේ සේවක සේවිකාවන් ද ඇගයීමට ලක් කරමින් උපහාර තිළිණ පිළිගැන්විණි.

ආයෝජන කලාපය තුළ ඇති කර්මාන්තශාලා පිළිබඳව දත්ත ඇතුළත් මෘදුකාංගය විවෘත කෙරුණේ ද ජනාධිපතිතුමා අතිනි.

අමාත්‍ය මලික් සමරවික්‍රම, රාජ්‍ය අමාත්‍ය සුජීව සේරසිංහ, ශ්‍රී ලංකා ආයෝජන මණ්ඩලයේ සභාපති දුමින්ද්‍රර රත්නායක, අධ්‍යක්ෂ ජනරාල් දුමින්ද ආරියසිංහ යන මහත්වරුන් ඇතුළු පිරිසක් සහ ශ්‍රී ලංකා ආයෝජන මණ්ඩලයේ පැරණි සහ වත්මන් සේවක සේවිකාවන් මෙම අවස්ථාවට එක්ව සිටියහ.

(news.lk)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top