Oct 12, 2017

දුම්රොටු අස්සේ අපාය ඇත්තේ

දුම් වැටියේ රහට වශී වූවෝ ඒ ගත්තේ වහ කියලා තේරුම් ගන්නේ විඳවන්න පටන් ගත් පසුවය. ධර්මයෙන් කියා දුන්නත්, තරවටුකර කියා දුන්නත්, අපහාස‍යෙන් ඇඟ වූවත් , හැටට හැටේ මිල වැඩිකරත් මරණ මංචකයෙත් දුම්වැටි සොයන පිරිස් අප අතර වේ.

මේ යළිත් කියන්නේ ඔවුන්ටමය. නැතිනම් ඒ තැනට එන්න බලාපොරොත්තුවෙන් සිටින අයට‍ය.

Cigaretteදුම්වැටියේ විෂ වර්ග 4000 ක්‌ පමණ අඩංගුවේ. මෙයින් විෂ වර්ග 43 ක්‌ පිළිකාකාරක වේ. දුම්කොළවල අඩංගු සමහර රසායනික ද්‍රව්‍ය නිසා ශරීරයට හානි ඇති කිරීම ක්‍ෂණිකව පටන් ගනී. එබැවින් දුම්කොළ හෝ දුම්වැටි භාවිතය ආරම්භයත් සමගම සිරුරට හානිවීමට පටන් ගනී.

 දුම්කොළවල අඩංගු විෂ වර්ග සහ ඒවායේ භාවිතයන් කිහිපයක් පහත දැක්වේ.

1. නිකොටින් - නිකොටින් යනු කොකේන්, හොරොයින් වැනි ඇබ්බැහිවීම් ඇති කරන වෙනත් මත්ද්‍රවවලට සමාන ගති ලක්‍ෂණ ඇති ද්‍රව්‍යයකි. මීට අමතරව නිකොටින්, කෘමි නාශක වර්ගයක්‌
ලෙසද භාවිතා කරනු ලැබේ. දුම්කොළ වල ඉතා විශාල ප්‍රමාණයක්‌ නිකොටින් අඩංගුවේ.

2. ඇමෝනියා - ගෙබිම පිරිසිදු කිරීමට යොදා ගනු ලැබේ.

3. ඇසිටෝන් - සායම් සහ නිය ඔප දැමීමට යොදාගන්නා ද්‍රව්‍ය ඉවත් කිරීම සඳහා යොදා ගනු ලැබේ.

4. ආසනික්‌ - කෘමිනාශකවල අඩංගු වේ.

5. කාබන්මොනොක්‌සයිඩ් - මෝටර් රථ වලින් පිටවන දුමාරයේ අඩංගුවන විෂ වායුවකි.

6. හයිඩ්‍රජන් සයනයිඩ් - සමහර රටවල මරණ දණ්‌ඩනය නියම වුවන් ජිවිතක්‍ෂයට පත්කිරීමට යොදා ගනු ලැබේ.

7. ෆිනෝල් - සායම්වල අඩංගුවේ.

8. කැඩිමියම් - මෝටර් රථවල බැටරිවල අඩංගුවේ

9. නැප්තලින් - කපුරුබෝල සෑදීමට භාවිතා කරනු ලැබේ.

10. තාර - විෂ සහිත අපද්‍රව්‍යයකි

11. විකිරණශීලී සංයෝග - න්‍යෂ්ටික ආයුද සෑදීම සඳහා භාවිතා කරනු ලැබේ.

එමෙන්ම දුම්වැටිය දැල්වීමත් සමග එය ශරීරයේ බොහොමයක් අවයව වලට හානි කිරීමට පටන් ගනී.

1. ශරීරයේ බොහෝ ඉන්ද්‍රියන් වල පිළිකා ඇතිවීම උදා- පෙණහලු, මුඛය, ස්‌වරාලය, උගුර, ගලනාලය, මුත්‍රාශය, වකුගඩු අග්නාශය, අක්‌මාව, ගැබ්ගෙල, අමාශය, මහා බඩවැල, ගුදමාර්ගය
යනාදිය සහ ලේවල පිළිකා (ලියුකේමියා) තත්ත්වයද ඇති විය හැකිය.

2. පෙණහලු රෝග -
උදා - එම්ෆිසීමා, ඇදුම බ්‍රොන්කයිටිස්‌, පෙනහළු ආසාදනය, හුස්‌ම ගැනීම අපහසු කරවන දීර්ඝකාලීනව පවතින පෙනහළුÊරෝග (CධඡD)

3. හෘද රෝග
දුම්කොළ සහ දුම්වැටි භාවිතා කරන්නෙකුට හෘදරෝගයක්‌ සැදී එමගින් මිය යාමට ඇති හැකියාව ඒවා භාවිතා නොකරන්නෙකු මෙන් දෙගුණයකි. ඔවුන් අතරින් බොහෝ දෙනෙකු
මියයන්නේ අඩු වයසිනි. අඩු වයසින් සිදුවන මරණ නිසා පවුලට, රටට, ආර්ථිකයට වන හානිය බලවත්ය.

4. කාන්තාවන්ට ගබ්සා ඇතිවීම සහ අඩු උපත් බර දරුවකු ඇති වීමට ඇති හැකියාව වැඩිය.IMG 12102017 131719 0

5. ලිංගික බෙලහීනතාවය හා වඳ භාවයද ඇති විය හැකිය.

6. ආමාශයේ තුවාල ඇතිවීම.

7. පාදවල රුධිර නාල අවහිර වීම නිසා පාද කපා දැමීමට පවා සිදුවේ.

8. දත් දුර්වර්ණ වීම හෝ දිරායාම

9. පිටකරන හුස්‌ම දුර්ගන්ද වීම

10. කෙස්‌ දුර්වර්ණ වීම

11. ඇසෙහි සුද ඇතිවීම

12. අංශභාගය සෑදීමේ ප්‍රවනතාවය වැඩිවීම.

ඔබ අසළ සිට දුම්වැටි උරන්නකු නිසා ඔබට බලපෑමක්‌ ඇතිවිය හැකිද?

දුම්වැටි, බීඩි, යනාදිය නිසා හානි සිදු වන්නේ එය උරන්නාට පමණක්‌ නොවේ. දුම් උරන්නේ නැති කෙනෙකු වුවද දුම් උරන්නෙකු අසල සිටියහොත් දුම් උරන්නා විසින් පිටකරනු ලබන විෂකාරක දුම්, හුස්‌ම ගැනීමේදී අවට සිටින්නන්ගේ ශරීරයට ඇතුළුවේ. මෙය අක්‍රිය දුම් පානය ලෙස හැඳින්වේ. මෙලෙස අවට සිටින්නන්ගේ ශරීරයට විෂ දුම් ඇතුළුවීම මගින්
ඔවුන්ගේ ශරීරයටද හානි සිදුවීමට පටන් ගනී.

දුම් උරන්නන් අප සැමගේ ජීවිතවලට තර්ජනයක්‌ නිසා පොදු ස්‌ථානවල දුම් ඉරීම නීතියෙන් තහනම්ය. පොදු ස්‌ථානවල දුම් උරන්නන් සමාජයට පිළිලයකි.

ඔබගේ සෞඛ්‍යයට හානි සිදුකිරීමට මාන බලන ඔබ අවට සිටින දුම් උරන්නන්ගෙන් ප්‍රවේශම් විය යුතු අතරම ප්‍රසිද්ධ ස්‌ථානවල දුම්බීමට විරුද්ධ වීමටද ඔබට අයිතියක්‌ ඇත.

බෝනොවන රෝග ඒකකය සෞඛ්‍ය අමාත්‍යංශය

Leave a comment

Make sure you enter all the required information, indicated by an asterisk (*). HTML code is not allowed.

Top