Jan 01, 2017

2017 භයානකම මිනිසා Featured

එළඹි 2017 වර්ෂයේ ලෝකයේ භයානකම මිනිසා ලෙස උතුරු කොරියානු ජනාධිපති කිම් ජොන්ග් උන් නම්කර තිබේ.

ස්වාධීන පර් යේෂණ ආයතනයක් වන RAND ආයතනයේ ආරක්ෂක කටයුතු පිළිබඳ ජ්‍යෙෂ්ඨ විශ්ලේෂකයකු වන බෲස් බෙනට්ය කිම් භයානකම මිනිසා ලෙස සැලකිය යුතු බව කියා සිටී.

උතුරු කොරියානු නායකයා 2016 දී අධිබල මහාද්වීපික න්‍යෂ්ඨික මිසයිල දෙකක් අත්හදා බැලීය.

ඉන් සැප්තැම්බරයේ අත්හදා බැලූ මිසයිලය මෙතෙක් උතුරු කොරියාව මගින් අත්හදා බැලූ අති ප්‍රබල පිපුරුම් බලයයකින් යුතු එකක් බව කියවේ.

එය 1945 හිරෝෂිමා බෝම්බයට ආසන්න බලයක් ඇති එකක් බවද විදෙස් මාධ්‍ය වාර්තා කර තිබිණි.

මේ අතර, අමෙරිකානු හමුදාවේ පැසිෆික් කලාපයේ අණදෙන නිලධාරි අද්මිරාල් හැරි හාරිස්ද කියා සිටින්නේ නාහෙට නාහන කුකුල් කේන්තිකාරයකු ලෙස ප්‍රකට  කිම් වැනි අයකු සතු න්‍යෂ්ඨික බලය කොයි මොහොතේ ලෝකයම පුපුරවා හැරීමට යොදාගනු ඇතිදැයි යන්න සැක සහිත බවයි.

ලෝකයේ දැනට න්‍යෂ්ඨික බලය අතින්  රුසියාව අංක එකටද අමෙරිකාව අංක 2ටද සිටියි.

උතුරු කොරියාව සිටින්නේ 9 වැනි තැනටය.

Leave a comment

Make sure you enter all the required information, indicated by an asterisk (*). HTML code is not allowed.

Top