Pasidol
Sathosa Ad Final Sinhala
15976 BM WEB BANNER 01
Jan 06, 2017

චින්නම්මාගෙන් ලංකා රජයෙන් ඉල්ලීමක් කරයි Featured

එළඹෙන තෛපොංගල් උත්සව දිනට පෙර මෙරට අත්අඩංගුවේ පසුවන ඉන්දීය ධීවරයින් නිදහස් කරන ලෙස තමිල්නාඩු ඒ.අයි.ඒ.ඩී.එම්.කේ පක්ෂයේ නව මහ ලේකම් වී.කේ ශෂිකලා නටරාජන් හෙවත් චින්නම්මා ශ්‍රී ලංකා රජයෙන් ඉල්ලීමක් කර තිබේ.

 ශෂිකලා එම ධුරයට පත් කෙරුණේ ඒ.අයි.ඒ.ඩී.එම්.කේ පක්ෂ මහ ලේකම් ධුරයේ කටයුතු කළ ජයලලිතා ජයරාම්ගේ අභාවයෙන් පසුවය.

ඒ අනුව මෙරට අත්අඩංගුවේ පසුවන ඉන්දීය ධීවරයින් පිළිබද අවධානය යොමු කරමින් ඇය පෙන්වා දෙන්නේ තෛපොංගල් උත්සව දිනය සිය පවුලේ සාමාජිකයින් සමග සැමරීමට හැකි වන පරිදි අදාළ ධීවරයින් නිදහස් කරන ලෙසයි.

ශෂිකලා නටරාජන් හෙවත් චින්නම්මා කියා සිටියේ කච්චතිව් දූපත ලංකාවට පැවරීම ඉන්දීය ධීවරයින් මුහුණදෙන ගැටලු වලට ප්‍රධාන හේතුව බවයි.

මේ අතර මෙරට අත්අඩංගුවේ පසුවන ඉන්දීය ධීවරයින් නිදහස් කිරීම සඳහා  මැදිහත්වන ලෙස තමිල්නාඩු ප්‍රාන්ත ප්‍රධාන අමාත්‍ය ඕ පනීර්සෙල්වම්  ඉන්දීය අග්‍රාමාත්‍ය නරේන්ද්‍ර මෝදිගෙන් ඉල්ලීමක් කර තිබේ.

මේ වනවිට ඉන්දීය ධීවරයින් 61 දෙනෙකු ශ්‍රී ලංකා අත්අඩංගුවේ පසුවන බව ඔහු පවසා ඇත.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top