Pasidol
Sathosa Ad Final Sinhala
15976 BM WEB BANNER 01
Jan 13, 2017

මෛත්‍රීගේ මාධ්‍ය ගෝලයන්ට රනිල්ගේ මාධ්‍ය ගෝලයන්ගෙන් අතවරලු Featured

රාජ්‍ය මාධ්‍ය ආයතන තුළදී ශ්‍රී ලංකා නිදහස් පක්ෂයට හිතවත් මාධ්‍යවේදීන් අප්‍රමාණ වදහිංසාවලට ලක්වන බව පොදුජන මාධ්‍ය පෙරමුණේ සභාපති ගාමිණී ජයලත් මහතා පැවසීය.

Gaminijayalath වැඩ තහනම් කිරීම, සේවයෙන් පහ කිරීම, අනිසි ස්ථාන මාරු කිරීම යනාදී කටයුතු නිරන්තරයෙන් සිදුවන බවත් 2015  ජනවාරි 08 වැනිදායින් පසු මේ දක්වා රාජ්‍ය මාධ්‍ය ආයතන වන ශ්‍රී ලංකා රූපවාහිනී සංස්ථාව ස්වාධීන රූපවාහිනී සේවය, ලේක්හවුස් ආයතනය වැනි ස්ථානවල මෙම තත්ත්වය නිරතුරුව සිදුවන බවද සභාපතිවරයා කීය.

  සමහර රාජ්‍ය මාධ්‍ය ආයතනවල ප්‍රධාන තනතුරු සඳහා ජනාධිපතිවරයා නියෝජනය වන පරිදි යම් යම් පුද්ගලයන් පත්කර තිබුණද එම ආයතන හසුරුවන්නේ වෙනත් පුද්ගලයන් පිරිසක් බවත්, මෙවන් අසාධාරණ කටයුතු සම්බන්ධව ජනාධිපතිවරයා දැනුම්වත්ව සිටින්නේදැයි සැකයක් ඇතිවන බවත් ජයලත් මහතා සඳහන් කළේය.

  “ගරු ජනාධිපතිතුමා කිව් පරිදි අපි එතුමාගේ රැහේ එවුන්. අපේ රැහේ කෙනෙක් තමයි රටේ ජනාධිපති වී සිටින්නේ. ඒ ගැන අපට ඉතාම සතුටුයි. අපි ශ්‍රී ලංකා නිදහස් පක්ෂයට හිතවත්ව කටයුතු කරන, එක්සත් ජනතා නිදහස් සන්ධානයට ඡන්දය දුන්නු, එම පක්ෂය සමග සමීපව කටයුතු කරන මාධ්‍යවේදීන්. ඒක රටම දන්න කරුණක්.

 මේ පළිගැනීම් සම්බන්ධයෙන් සැබෑ ලෙසම ජනාධිපතිවරයා දැනුවත්දැයි නොදන්නා බවත් දැන් මෙම කරුණ පළවීමෙන් පසු හෝ එම තත්වය වටහාගෙන සාධාරණයක් කරන්නැයි එතුමාගෙන් ඉල්ලා සිටින බවත් හෙතෙම පවසා සිටියේය.

ශ්‍රී ලංකා නිදහස් පක්ෂයේ නායකත්වය දරන්නේ මෛත්‍රීපාල සිරිසේන මහතා වන අතර එජාපයේ නායකත්වය දරන්නේ අගමැති රනිල් වික්‍රමසිංහ මහතාය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top