Pasidol
Sathosa Ad Final Sinhala
15976 BM WEB BANNER 01
Jan 17, 2017

'සංහිඳියාව අවශ්‍ය උතුරට නොවේ දකුණට' – සන්නස්ගල

සංහිඳියාව ඇති කිරීම රටේ සංකීර්ණ ගැටලුවක් බවට පත්ව ඇති හෙයින්  ප්‍රදර්ශනාත්මක වැඩ වලින් පමණක්  සංහිඳියාව ගොඩනැංවිය නොහැකි බව ප්‍රවීන ලේඛක උපුල් ශාන්ත සන්නස්ගල පවසයි.

වසර සිය ගණනක් තිස්සේ පන්සිල් ගන්න මිනිසුන් සිටින රටක  පන්සිල් ආරක්ෂා නොකර ඔවුන්  එය ප්‍රදර්ශනාත්මකව සිදු කරන්නාක් මෙන්  සංහිඳයාව වෙනුවෙන් දින වෙන් කිරීම ද එවැනිම ක්‍රීයාවකට සමාන බවයි ඔහු පවසන්නේ.

මිනිසුන් සමඟ අදහස් හුවමාරු කර ගනිමින් සංහිඳයා අදහස ඔවුන්ට ලබා දෙමින් සහ ඔවුන්ගේ අදහස් ලබා ගනිම්න් සිදු කරන්නවු ගනුදෙණුවක් තුළින් සංහිඳියා වැඩපිළිවෙල යථාර්ථයක් කර ගැනීමට උත්සාහ කල යුතු බව  ඔහු යෝජනා කර සිටියේ ආණ්ඩුව විසින් ප්‍රකාශයට පත් කරන ලද සංහිඳියා වසර හා එම ක්‍රියාවලිය සම්බන්ධයෙන් සිලෝන් ජර්නල්ස් වෙත අදහස් දක්වමිනි.


ගෝත්‍රාවාදි අදහසක් :

පසුගියදා විමල් වීරවංශ මන්ත්‍රීවරයා අත්අඩංගුවට ගත් අවස්ථාවේදී එතැන් සිටි කාන්තාවක් “ගිහින් යාපනේ උන්ට මේක කරපියව්” යනුවෙන් කෑගසමින් සිටිනු තමන් සමාජ මාධ්‍ය වලින් දුටු බව පවසන උපුල් ශාන්ත සන්නස්ගල පෙන්වා දෙන්නේ   එම ප්‍රකාශයෙන්  ඇඟෙවන්නේ විශාල ගෝත්‍රාවාදි අදහසක් බවයි.

එම ප්‍රකාශය ඇයගේ ප්‍රකාශයක් නොව එතුළින් දකුණේ ජන විඥානය ප්‍රකාශයට පත් වන බවට විශ්වාසය පල කල ලේඛක සන්නස්ගල අවධාරණය කර සිටියේ සංහිඳියා ඇති කල යුත්තේ උතුරේ නොව දකුණේ බවයි.


ආණ්ඩුවට පිට කොන්දක්:


යෝජිත නව ආණ්ඩුක්‍රම ව්‍යවස්ථාව තුළ ඒකීය රාජ්‍ය ව්‍යුහය පවත්වා ගනිමින් උතුරු නැගෙනහිර එක් නොකර ජාතික ප්‍රශ්නයට හෝ දෙමළ ජනයාගේ ප්‍රශ්නයට පිළිගත හැකි විසඳුමක් නොලැබෙන බවට සන්නස්ගල විශ්වාසය පල  කර සිටියේ යෝජිත නව ආණ්ඩුක්‍රම  ව්‍යවස්ථාව පිළිබඳව ද  'සිලෝන් ජර්නල්ස් 'වෙත අදහස් දක්වමිනි.

දේශපාලන ව්‍යෘප්ති ක්‍රියාත්මක කරමින් සිටින පුද්ගලයන් රට ගැන නොසිතා තම පුද්ගලික න්‍යය පත්‍ර ගැන සිතමින් අදහස් පළ කරන බැවින් ආණ්ඩුව මේ මොහොතේ කොන්ද කෙළින් තබා ගනිමින් සියලු ලාංකිකයන්ට  පිළිගත හැකි නිදහස් ව්‍යවස්ථාවක් සැකසීමට පියවර ගත යුතු බව උපුල් ශාන්ත සන්නස්ගල වැඩිදුරටත් අවධාරණය කර සිටියේය.


(ceylonjournals)

සබැඳි පුවත් :

'සංහිඳියාවට දිගු කාලීන පියවරයන් අවශ්‍යයි' – ජැක්සන්

සංහිඳියාව : 'නීතිමය හා ව්‍යුහමය වෙනසක් අවශ්‍යයි' – අමරකීර්ති

'සංහිඳියාවට නාමකරණයට එහා ගිය මැදිහත් වීමක් අවශ්‍යයි' – සමනලී

සංහිඳියාව කාලීන අවශ්‍යතාවයක් – චිත්‍රාල් සෝමපාල

'යුක්තිය ඉටු නොවන තාක් සංහිඳියාව ඇති නොවේ' - භාෂණ

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top