Jan 19, 2017

සංහිඳියාව විෂම ලිංගිකයන්ට පමණද? – භූමි හරේන්ද්‍රන්

රජය විසින් සංහිඳියාව ඇති කිරීමට උත්සාහ කරනුයේ විෂම ලිංගිකයන් සඳහා පමණක්ද යන්න සංක්‍රාන්තික ලිංගිකයන්ගේ අයිතිවාසිකම් වෙනුවෙන් පෙනී සිටින ක්‍රියාධාරනියක් වන භූමි හරේන්ද්‍රන් ප්‍රශ්න කරයි.

වැඩිහිටියන් අතර ස්ව කැමැත්තෙන් සිදුවන ලිංගික හැසිරීම පුද්ගලික දෙයක් වන අතර යමෙකුගේ ලිංගිකත්වය අතිශය පුද්ගලික දෙයක් බව පෙන්වා දෙන භූමි හරේන්ද්‍රන් ප්‍රශ්න කරන්නේ, මුලික මිනිස් අයිතිවාසිකම් යටපත් කරමින් සිදු කිරීමට යන සංහිඳියාව කුමක්ද යන්නයි.

ජාතීන් අතර සංහිඳයාව ඇති කිරීමට ප්‍රථමයෙන් පුද්ගලයන් අතර හා පන්ති අතර සංහිදියාව ඇති කල යුතු බවට යෝජනා කරන ඇය, එහිදී සම ලිංගිකයන් හා සංක්‍රාන්ති ලිංගිකයන් අත්හල නොහැකි සාධකයක් බවට පෙන්වා දෙයි.


මුලික අයිතිවාසිකම් වලට ඉඩදීම:


සියලු ජාතීන් හා ආගම් අතර මෙවැනි පිරිස් සිටින බැවින් ජාතීන් අතර සංහිඳියාව ඇති කිරීමට නම් පුද්ගලයන්ගේ මුලික අයිතිවාසිකම් වලට ඉඩදීම අනිවාර්ය කරුණක් බව ඇය සඳහන් කරයි.

සම ලිංගිකයන්ගේ හා සංක්‍රාන්ති ලිංගිකයන්ගේ අයිතීන් නීති ගත කරන ලෙස යුරෝපා සංගමය විසින් ලංකා රජයට කරන ලද යෝජනවා පිළිබඳව මෙන්ම රජයේ සංහිඳියා වැඩසටහන සම්බන්ධයන් 'සිලෝන් ජර්නල්ස්' සමඟ සාකච්ඡාවට එක් වු භූමි හරේන්ද්‍රන් “මගේ පුද්ගලික ජිවිතේ තව කෙනෙක්ගේ නිදහසට, සාමයට බාධාවක් වෙන්නේ නැත්නම් රටේ ආර්ථිකයට එයින් බලපෑමක් නැත්නම් කොහොමද කෙනෙක්ගෙ ලිංගිකත්වය පාලනය කරන්නේ, මට හරිම ප්‍රහේලිකාවක් ඒක වෙන්නෙ කොහොමද කියන එක” යනුවෙන් වැඩිදුරටත් සඳහන් කළාය.


පුද්ගලිකත්වයට බාධා කිරීම විහිලුවක් :


රජය විසින් කල යුත්තේ සමාජයේ ජිවත් වන තවත් කොටසකගේ පුද්ගලිකත්වයට බාධා පැමිණෙන ආකාරය‍ට නීති ගෙන ඒම නොව කාන්තාවන්ට වන හිරිහැර සහ ළමා අපචාර වැනි අපරාධ සඳහා ඇති නීති තර කිරීම බවට අවධාරණය කරන භූමි හරේන්ද්‍රන් යලි යලිත් පෙන්වා දෙන්නේ එසේ නොකර කෙනෙකුගේ පුද්ගලිකත්වයට බාධා කිරීම විහිලුවක් ලෙසයි.

සමරිසි ලිංගිකත්වය හෝ සංක්‍රාන්ති ලිංගිකත්වය අස්වාභාවික දෙයක් නොව ස්වාභාවයෙන් උරුම වන දෙයක් ‍හෙයින් කෙනෙක්ට ස්වභා‍වයෙන් උරුම වන දේ හිරකර සමානාත්මතාව නැති කර ඔවුන්ගේ ලිංගිකත්වය මත හංවඩු ගසන්නේ ඇයි ද යන්න ප්‍රශ්නයක් බව ඇය පෙන්වා දෙයි.


නිදහස් නිවල් රටක්:


තමන්ගේ බලයේ පැවැත්මට ජනතා‍වගේ පිඩාව විකුණන් කන දේශපාලකයින් කාලයක් තිස්සේ යුද්ධය විකුණු බව අයුරින් සම ලිංගිකත්වයත් එසේ දේශපාලන වාසි සඳහා යොදා ගන්නේ දැයි සැක පහල වන බව භූමි පවසයි.

මිනිසුන්ගේ පුද්ගලිකත්වයට නීති දමා හිරකරමින් නිදහස් නිවල් රටක් ගොඩ නැඟිය නොහැකි බව සංක්‍රාන්තික ලිංගිකයන්ගේ අයිතිවාසිකම් වෙනුවෙන් පෙනී සිටින ක්‍රියාධාරනිය භූමි හරේන්ද්‍රන් වැඩි දුරටත් අවධාරණය කර සිටියි.

(ceylonjournals)


සබැඳි පුවත් :


'අධ්‍යාපන ක්‍රමය තුළින් සංහිඳියාව ඇති කල යුතුයි' – ගප්පියා

'සංහිඳියාව අවශ්‍ය උතුරට නොවේ දකුණට' – සන්නස්ගල

'සංහිඳියාවට දිගු කාලීන පියවරයන් අවශ්‍යයි' – ජැක්සන්

සංහිඳියාව : 'නීතිමය හා ව්‍යුහමය වෙනසක් අවශ්‍යයි' – අමරකීර්ති

'සංහිඳියාවට නාමකරණයට එහා ගිය මැදිහත් වීමක් අවශ්‍යයි' – සමනලී

සංහිඳියාව කාලීන අවශ්‍යතාවයක් – චිත්‍රාල් සෝමපාල

'යුක්තිය ඉටු නොවන තාක් සංහිඳියාව ඇති නොවේ' - භාෂණ

Leave a comment

Make sure you enter all the required information, indicated by an asterisk (*). HTML code is not allowed.

Top