Jan 29, 2017

ඇමති ආරක්ෂකයෝ විදෙස් තරුණියකට අතවර කරලා

ගල්කිස්ස මුහුදු තීරයේ දිය නාමින් සිටි රුසියානු ජාතික තරුණියකට ලිංගික අතවර කළ බව කියන ඇමති ආරක්ෂක කොට්ඨාසයේ පොලිස් කොස්තාපල්වරුන් දෙදෙනෙකු අත්අඩංගුවට ගෙන ඇත.

ඒ, ගල්කිස්ස වෙරළ තීරයේ රාජකාරී කළ පොලිස් නිලධාරීන් ඊයේ (28) පස්වරුවේ කළ වැටලීමකදීය.

අදාළ රුසියානු ජාතික තරුණිය සිද්ධිය සම්බන්ධයෙන් මෙම පොලිස් නිලධාරීන්ට පැමිණිලි කර තිබේ.

 ඒ අනුව පොලිස් නිලධාරීන් විසින් සැකකරුවන් අත්අඩංගුවට ගැනීමට යාමේ දී එම නිලධාරීන්ගේ රාජකාරියට බාධා කරමින් ඔවුන් පලා යාමට උත්සහ දරා ඇති බව පොලිසිය පැවසුවේය.

අත්අඩංගුවට ගැණුනු සැකකරුවන් දෙදෙනාගෙන් ප්‍රශ්න කිරීම් සිදු කෙරුණු අතර එහිදී අනාවරණය වී ඇත්තේ ඔවුන් ඇමති ආරක්ෂක කොට්ඨාසයට අනුයුක්තව රාජකාරී කරන බවයි.

සැකකරුවන් මිරිහාන හා කන්තලේ යන ප්‍රදේශවල පදිංචිකරුවන්ය.

 ඔවුන් අද (29) ගල්කිස්ස මහේස්ත්‍රාත්වරයා හමුවට ඉදිරිපත් කිරීමට නියමිතය.

(නෙත් නිව්ස්)

Leave a comment

Make sure you enter all the required information, indicated by an asterisk (*). HTML code is not allowed.

Top