nsb

Feb 19, 2017

පුංචි ඡන්දයට තවත් පොල්ලක් ! Featured

සීමා නිර්ණය කිරීමේ වාර්තාව ගැසට් කිරීමෙන් පමණක් පළාත් පාලන මැතිවරණය කැඳවිය නොහැකි බව මැතිවරණ කොමිෂන් සභාවේ සභාපති මහින්ද දේශප්‍රිය මහතා කියා සිටී.

පළාත් පාලන මැතිවරණය කැඳවීමට විශය භාර අමාත්‍යවරයා විසින් පළාත් පාලන ආයතන වල නව සභික ධූර සංයුතිය අඩංගු ගැසට් පත්‍රයද නිකුත් කළ යුතු බව ඔහු කියා සිටී.

ඊට අමතරව පළාත් පාලන පනතේ සංශෝධන පාර්ලිමේන්තුවේදී සම්මත විය යුතු බවද ඔහු පෙන්වාදෙයි.

සීමා නිර්ණ වාර්තාව ගැසට් කිරීමෙන් පසුව පළාත් පාලන අමාත්‍යංශයට ඇඟ බේරාගත නොහැකි බවද ඔහු කියා සිටී.

සභික සංඛ්‍යාව තීරණය කිරීමේ ගැසට් පත්‍රය නිකුත් කිරීමෙන් පසුවද, පළාත් පාලන මන්ත්‍රීවරුන් සඳහා කාන්තා නියෝජනය හා පනතේ තාක්ෂණික දෝශ නිවරදි කිරීම යන කාරණාද සකස්විය යුතු යැයි මහින්ද දේශප්‍රිය මහතා පැවසීය.

රජයේ මුද්‍රණාලාධිපති සීමා නිර්ණ වාර්තාව සිකුරාදා (17) පස්වරුවේ ගැසට් කළ බවද කියා සිටියේය.

Leave a comment

Make sure you enter all the required information, indicated by an asterisk (*). HTML code is not allowed.

Top