Feb 22, 2017

තවත් බැඳුම්කර මඟඩියකට සැරසෙයි (Exclusive) Featured

“සමුරායි බැඳුම්කර” නමින් නව බැඳුම්කරයකට ජපාන ආයෝජකයින්ගෙන් මුදල් ලබා ගැනීමට ආණ්ඩුව උත්සාහ දරමින් සිටින බව වාර්තා වේ.

එම බැඳුම්කර ජපානය තුළ ශ්‍රී ලංකාවේ ආයෝජනයට ඇති කිරීමට නියමිත එකකි.

මේ සඳහා ආණ්ඩුව ජපන් බැංකු තුනක් සමඟ සාකච්ඡා කර ඇති බවද පැවසේ.

අදාළ බැඳුම්කරවල ආයෝජනය කළ හැකි වන්නේ යෙන්වලින් බවද වාර්තා වේ.

කෙසේවුවද, එසේ ආයෝජනය කරනු ලබන යෙන් ලංකාවේ අවශ්‍යතා සඳහා නැවත ඩොලර් වලට පරිවර්තනය කිරීමට සිදුවී හා ඒවා ගෙවීමේදී ඩොලර්වලින් ගෙවීමට සිදුවීම නිසා මින් විශාල පාඩුවත් සිදුවන බවද පැවසේ.

මීට වසරකට පෙර නොමුරායි නැමැති ජපන් බැංකුව මෙවැනිම ආයෝජනයක් ශ්‍රී ලංකාව තුළ සිදු කිරීමට උත්සාහ කර ඇතත් එම අවස්ථාවේදී මුදල් අමාත්‍ය රවී කරුණානායක මහතා එය ප්‍රතික්ෂේප කර ඇති බවද පැවසේ.

එලෙස ආයෝජනයක් ලබා ගත්තේ නම් ඔවුන් එය කරනු ලබන්නේ යෙන්වලින්ම බවත් එහිදී පොලිය අඩු බවද වාර්තා වේ.

කෙසේවුවද, නොමුරායි බැඳුම්කර ආයෝජනය මගින්  අන්තර් ජාතික මූල්‍ය අරමුදල සමඟ ඇති කරගෙන ඇති ගිවිසුමේ කොන්දේසි කඩවන බවද පැවසේ.

මේ වන විට ලංකාව අන්තර් ජාතික මූල්‍ය අරමුදලේ ණය ලබා ගැනීමට ඇතිකරගත් ගිවිසුමේ කොන්දේසි 3ක් ආණ්ඩුව විසින් කඩකර ඇතැයිද ආර්ථික විශේෂඥයෝ කියති.

අන්තර් ජාතික මූල්‍ය අරමුදලෙන් මේ කලාපයේ ණය ලබාගෙන ඇති දෙවන රට වන්නේ ලංකාව වන අතර අනෙක් රට ඇෆ්ගන්ස්ථානයයි.

Leave a comment

Make sure you enter all the required information, indicated by an asterisk (*). HTML code is not allowed.

Top