nsb

Feb 22, 2017

කබීර්ගෙන් මුදල් අමාත්‍යංශයට විරෝධය Featured

කැබිනට් මණ්ඩලය අනුමත කළ වන්දි මුදලට වඩා වැඩි වන්දියක් එයාර්කැප් නමැති සමාගමට ප්‍රදානය කිරීමේ මුදල් අමාත්‍යංශ තීරණයකට රාජ්‍ය ව්‍යවසාය සංවර්ධන ඇමති කබීර් හෂිම් විරෝධය පළ කරයි.

විෂය භාර ඇමතිවරයා වන තමන් ද නොතකා හැර එම සමාගමට ඩොලර් මිලියන 154ක වන්දියක් ලබා දීමට මුදල් අමාත්‍යංශය තීරණය කර ඇති බව ඔහු ඊයේ පැවති කැබිනට් මණ්ඩල රැස්වීමේදී කියා සිටියේය.

නමුත්, කැබිනට් අනුමැතිය පළව ඇත්තේ ඩොලර් මිලියන 75 හා 80 අතර වන්දියක් ප්‍රදානය කිරීමටයි.

පසුගිය පාලනය විසින් 2012දී එයාර්කැප් සමාගම තෝරා ගනු ලැබූයේ ගුවන් යානා මිල දී ගැනීම සඳහා වුවත්, වත්මන් ආණ්ඩුව එම ගිවිසුම අවලංගු කොට එම සමාගමට වන්දියක් ලබා දීමට තීරණය කළේය.

එම සමාගමට වන්දි ගෙවීම අත්හිටුවන්නැයි සරත් අමුණුගම, චම්පික රණවක ඇතුළු ඇමතිවරුන් කිහිප දෙනෙකු ද ඉල්ලා ඇත.

අදාළ ගැටළුව සමථයකට පත් කර ගන්නා තෙක් ගෙවීම් අත්හිටුවන ලෙසට ජනාධිපතිවරයා උපදෙස් දී ඇතැයි වාර්තා වේ.

 

Leave a comment

Make sure you enter all the required information, indicated by an asterisk (*). HTML code is not allowed.

Top