Pasidol
Sathosa Ad Final Sinhala
15976 BM WEB BANNER 01
Feb 23, 2017

නව මැතිවරණ ක්‍රමය: ''ප්‍රජාතන්ත්‍රවාදය අතුගා දැමීමක්'' Featured

යෝජිත නව පළාත් පාලන මැතිවරණ ක්‍රමය මගින් කුඩා පක්‍ෂ අතුගා දැමීමක් සිදුවන බවට මතුකරන තර්කය ඒකාබද්ධ විපක්ෂය ද පිළිගන්නා බව පාර්ලිමේන්තු මන්ත්‍රී ඩලස් අලහප්පෙරුම මහතා පවසයි.

එය තම ආණ්ඩුව සමයේ සිදුවූ වරදක් බවත් ඒකාබද්ධ විපක්ෂයේ මන්ත්‍රීවරයා පිළිගත්තේය.

ඊයේ (22 පෙබ.) කොළඹදී පැවති මාධ්‍ය හමුවකදී මාධ්‍යවේදියකු නැගූ ප්‍රශ්නයකට පිළිතුරු දෙමින් " ඒක වැරැද්දක් වෙච්ච, ඒ කමිටුවෙන් වෙච්ච අතපසුවීමක්, ඒ වැරැද්ද නිවැරදි කරගන්න ඕන" යැයි පාර්ලිමේන්තු මන්ත්‍රී ඩලස් අලහප්පෙරුම මහතා පැවසීය.

"පාවිච්චි කරපු ඡන්ද සංඛ්‍යාවෙන් පක්ෂයක් 5%ක් ගත්තේ නැත්නම් ඒ ඡන්ද ගණන් කරන්නේ නැහැ. මම හිතනවා ජවිපෙට විතරක් නෙවෙයි මේ රටේ ප්‍රධාන දේශපාලන ධාරාව නියෝජනය නොකරන දේශපාලන පක්ෂවලට ඒ ප්‍රතිශතය ලොකු වැඩියි." යනුවෙන් ඔහු ප්‍රකාශ කළේය.

ගරිල්ලා සටන් :

යෝජිත නව මැතිවරණ ක්‍රමයට ජනතා විමුක්ති පෙරමුණ ඇතුළු කුඩා පක්ෂ ගණනාවක් මේවන විට සිය විරෝධය පළකර තිබේ.

"මේ මගින් විනාශ වන්නේ මෙම කුඩා පක්ෂ නොව ප්‍රජාතන්ත්‍රවාදය" බව පැවසූ ඩලස් අලහප්පෙරුම මන්ත්‍රීවරයා, ගරිල්ලා සටන් ව්‍යාපාර නැවත ආරම්භවීම දක්වා එහි බලපෑමක් ඇතිවිය හැකි බව පවසයි.

මෙම තත්වය වළක්වාගැනීම සඳහා අදාළ ප්‍රතිශතය 2% ක් හෝ 3% දක්වා අඩුකළ යුතු බවත් ඒ සඳහා අවශ්‍ය සංශෝධන පාර්ලිමේන්තුවේ සරල බහුතරයකින් සම්මත කරගත හැකි බවත් ඔහු කියා සිටියේය.

ආණ්ඩුව විවිධ හේතු ඉදිරිපත් කරමින් පලාත් පාලන මැතිවරණය කල් දමන බවට චෝදනා කළ මන්ත්‍රීවරයා, අවශ්‍යනම් පැරණි ක්‍රමයට මැතිවරණය පැවැත්වීමට ද ඒකාබද්ධ විපක්ෂය එකඟ බව ප්‍රකාශ කළේය.

(බීබීසී සංදේශය)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top