Pasidol
Sathosa Ad Final Sinhala
15976 BM WEB BANNER 01
Feb 27, 2017

බන්ධනාගාර බසයට වෙඩි තබා 07 ක් මැරූ කල්ලිය හඳුනාගනී ! Featured

කළුතර මල්වත්ත බන්ධනාගාරය ආසන්නයේ දී සිරකරුවන් පිරිසක් රැගෙන ධාවනය වූ බන්ධනාගාර බස් රථයකට එල්ල වූ වෙඩි ප්‍රහාරය සම්බන්ධයෙන් පරීක්ෂණ සිදු කරන පොලිස් කණ්ඩායම් විසින් මේ වන විට සිද්ධියට සම්බන්ධ වැදගත් තොරතුරු රැසක් අනාවරණය කරගෙන ඇත.

අද උදෑසන 8.00ත් 8.30ත් අතර කාලය තුළ සිදුවූ මෙම වෙඩි ප්‍රහාරය 'පාතාල කණ්ඩායම් දෙකක්' අතර හටගත් ගැටුමක ප්‍රතිඵලයක් ලෙස සිදුවූවක් බව අනාවරණය වී ඇතැයි පවසන පොලිසිය, එම සිද්ධියෙන් මිය ගිය එම්.පී. අරුණ දමිත් උදයංග පතිරණ හෙවත් සමයං නැමැති පාතාල සාමාජිකයාට විරුද්ධව ක්‍රියාත්මක වූ කණ්ඩායමක් පිළිබඳව හඳුනාගෙන ඇති බව කියා සිටියි.

මේ සම්බන්ධයෙන් කොළඹ අපරාධ කොට්ඨාසය විසින් විශේෂ අවධානයක් යොමු කර මෙහෙයුම් ක්‍රියාත්මක කරයි.

දැනට අනාවරණය වී ඇති කරුණු අනුව මෙම සැකකරුවන් පොලිස් නිල ඇඳුමට සමාන නිල ඇඳුමින් පැමිණි ඇතැයිද සැක කෙරේ.

තවද සැකකරුවන් පැමිණි කැබ් රථය සොයාගෙන පොලිස් භාරයට ගෙන ඇති අතර එහි ලියාපදිංචි අයිතිකරු ද හඳුනාගෙන තිබේ.

මියගිය ගණන හතක් :

එල්ල වූ වෙඩි ප්‍රහාරයෙන් ජීවිතක්ෂයට පත්වූ සංඛ්‍යාව 07ක් දක්වා ඉහළ ගොස් ඇත.

පාතාල කල්ලි නායකයෙකු වන අරුණ දමිත් උදයංග පතිරණ හෙවත් සමයං, ඔහුගේ සමීපතම ගෝලයින් ලෙස සැලකෙන තවත් රැඳවියන් 4 දෙනෙකු, බන්ධනාගාර නිලධාරීන් දෙදෙනෙකු මිය ගිය පිරිස අතර වේ.

කළුතර රෝහලට ඇතුළත් කිරීමෙන් අනතුරුව එක් බන්ධනාගාර නිලධාරියකු මියගොස් ඇති අතර කොළඹ ජාතික රෝහලට ඇතුළත් කිරීමෙන් අනතුරුව අනෙක් නිලධාරියා මියගොස් තිබේ.

වෙඩි තැබීමෙන් තුවාල ලැබූ බන්ධනාගාර නිලධාරීන් සිව් දෙනකු රෝහලේ ප්‍රතිකාර ලබන බවත් පොලිසිය පවසයි.

මෙම වෙඩි තැබීමේ සිද්ධිය සම්බන්ධයෙන් බන්ධනාගාර දෙපාර්තමේන්තුවද විසින්ද විශේෂ පරීක්ෂණයක් ආරම්භ කර තිබේ.


සබැඳි පුවත් :

පාතාල නායකත්වට පාතාල කල්ලි තුනක් සටනේ

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top