nsb

Mar 05, 2017

'සමයං’ ට තිබූ ආණ්ඩු හැදීමේ හයිය ගැන මහින්ද කියයි (ඡායාරූප) Featured

පාතාල කල්ලි නායකයින්ට වුවද ආණ්ඩුවක් පිහිටුවීමේ හැකියාව පවතින බව හිටපු ජනාධිපති, කුරුණෑගල දිස්ත්‍රීක් පාර්ලිමේන්තු මන්ත්‍රී මහින්ද රාජපක්ෂ මහතා පවසයි.

ඔහු පෙන්වා දෙන්නේ ඝාතනයට ලක් වූ සමයං නමැත්තාට වුවද පවතින තත්වය යටතේ ආණ්ඩු බලයක් පිහිටුවීමේ හැකියාවක් තිබූ බවයි.

බොරලැස්ගමුව 'ගෝල්ඩන් රෝස්' උත්සව ශාලාවේ පැවති 'වියත්මඟ' මහ සමුළුවට එක්වෙමින් හිටපු ජනාධිපතිවරයා මේ බව කියා සිටියේය.

රටක සිදුවන සියලූ දෑ සම්බන්ධයෙන් පාලකයින් දැන සිටිය යුතු බව එහිදී පැවසු මහින්ද රාජපක්ෂ මහතා, ඕනෑම සිදුවීමක් පසුදා පුවත්පතකින් දැන ගැනීම පාලකයින්ට නොගැලපෙන්නක් බව කියා සිටියේය.

පොලිසිය සහ සිරකඳවුරු පවතින්නේ නම් රටක් පාලනය කළ හැකි බවට බොහෝ දෙනා තුළ විශ්වාසයක් පවතින නමුත්, එහි කිසිඳු සත්‍යතාවක් නැති බව මහින්ද රාජපක්ෂ මහතා සඳහන් කළේය.

ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතාගේ මහපෙන්විම යටතේ ක්‍රියාත්මක වන 'වියත්මඟ' සංවිධානය මෙම රැස්වීමට හිටපු අමාත්‍ය බැසිල් රාජපක්ෂ මහතා ද එක්ව සිටියේය.

ආචාර්ය දයාන් ජයතිලක මහතා ද මෙහිදී අදහස් දැක්විය.

 

 

 

Leave a comment

Make sure you enter all the required information, indicated by an asterisk (*). HTML code is not allowed.

Top