Aug 13, 2017

කැළිකසළ ප්‍රශ්නය නිට්ටාවට සුවකරන බව ජනපති කියයි (වීඩියෝ)

ඉහළ සිට පහළට වංචාව හොරකම සහ දූෂණය ගලාගිය මේ රටේ දේශපාලන සංස්කෘතිය එකවර වෙනස්කළ නොහැකි බවත්, අවංකව කටයුතු කරන සහ රටට ආදරය කරන දේශපාලනඥයින් පිරිසක් බිහි කිරීමේ දුෂ්කර කටයුත්තට වත්මන් රජය උරදී සිටින බවත් ජනාධිපති මෛත්‍රීපාල සිරිසේන මහතා කියයි.

ඒ මහතා මේ බව කියා සිටියේ මහවැලි එච් කලාපයේ ගොවි ජනතාවට ඉඩම් ඔප්පු ප්‍රදානය වෙනුවෙන් ඊයේ (12) පෙරවරුවේ තලාව ක්‍රීඩාංගණයේ පැවති උත්සවයක් අමතමිනි.

කුමන නින්දා අපහාස සහ චෝදනා හමුවේ වුවද එම අභියෝගය ජය ගනිමින් ජනතාව අපේක්ෂා කරන පිරිසිදු දේශපාලන සංස්කෘතිය රට තුළ ගොඩනැගීමට කටයුතු කරන බව ද සිරිසේන මහතා පැවසීය.

විවේචන සහ චෝදන කොතෙක් එල්ලවුවද කිසිදු රජයක් ඉටු නොකළ වැඩකොටසක් වත්මන් රජය ඉතා කෙටි කළක් තුළ රටත්, ජනතාවත් වෙනුවෙන් ඉටුකළ බව පැවසූ ජනපතිවරයා රජය ප්‍රමුඛතාවය ලබාදී තිබෙන්නේ ගොවි ජනතාවගේ ආර්ථිකය සවිමත් කර ඒ තුළින් ජාතික ආර්ථිකය ගොඩනැගීමේ කාර්යය සදහා බවද කියා සිටියේය.

රටේ බහුතරයක් ගොවි ජනතාවගේ සිහින මල්ඵල ගැන්වෙන මොරගහගන්ද ව්‍යාපෘතිය යටතේ පෙර රජ දවසින් පසු විශාල වැව් සංඛ්‍යාවක් එකවර රට තුළ ප්‍රතිසංස්කරණය කෙරෙන බවද සිරිසේන මහතා කීය.

මෙතෙක් කිසිදු රජයකින් විසදුමක් නොලැබුණු කැළිකසළ ගැටලූවට ද, යළිත් මේ රටේ බලයට පැමිණෙන කිසිදු රජයකට මුහුණදීමට සිදු නොවන ආකාරයෙන් ස්ථිර සාර විසදුමක් වත්මන් රජය යටතේ ලබන වසර වන විට ක්‍රියාත්මකවන බවත් එහිදී සිරිසේන මහතා පැවසීය.

ඉතිහාසයේ ප්‍රථම වරට කැළිකසළවලින් විදුලිය උත්පාදනය කිරීමේ සහ කාබනික පොහොර නිෂ්පාදනය කිරිමේ කටයුතු ද ආරම්භ කෙරෙන බව හෙතෙම සඳහන් කළේය.

ඒ අනුව පළමු වටයේදී සහ දෙවැනි වටයේදී නිෂ්පාදනය කෙරෙන කාබනික පොහොර නොමිළේ ගොවි ජනතාවට ලබාදීමට කටයුතු කරන බව ද සිරිසේන මහතා පැවසීය.

මහවැලි ජනපදිකයන්ට ඉඩම් ඔප්පු ලක්ෂයක් බෙදාදීමේ ජාතික වැඩසටහන යටතේ මහවැලි එච් කලාපයේ ගොවි ජනතාවට ඉඩම් ඔප්පු 6200 ක් ප්‍රදානය කිරීම මෙහිදී සිදුවූ අතර එය සංකේතවත් කරමින් සිය දෙනෙකුට ඉඩම් ඔප්පු ප්‍රදානය කිරීම ජනපතිවරයා අතින් සිදුවිය.

" width="600" height="400" responsive="yes" autoplay="no" ]

Leave a comment

Make sure you enter all the required information, indicated by an asterisk (*). HTML code is not allowed.

Top