15976 BM WEB BANNER 01
Oct 12, 2017

තායිවාන් බැංකු කොල්ලය : 'හංසයා' සභාපති ශලීල විදෙස් පුරවැසියෙක් ! Featured

තායිවාන් බැංකු ගිණුම් හැක්‌ කර රුපියල් කෝටි 32 ක්‌ වංචා කිරීමේ චෝදනාව මත අත්අඩංගුවට ගෙන රිමාන්ඩ් භාරයේ සිටින දෙවන සැකකාර ලිට්‌රෝ ගෑස්‌ සමාගමේ සභාපති එන්. එම්. ශලීල මුණසිංහ මහතා උපතින්ම එංගලන්ත ජාතික පුරවැසියකු බව ඊයේ (11) අධිකරණය හමුවේ අනාවරණය විය.

ශලීල මුණසිංහ මහතාට ශ්‍රී ලංකාවේ රැඳී සිටීමට ලබාගත් වීසා බලපත්‍රය මෙම වසරේ දෙසැම්බර් 08 වැනි දින අවසන් වීමට නියමිත බවත් ඔහු ශ්‍රී ලංකාවේ පුද්ගලයන් ලියාපදිංචි කිරීමේ දෙපාර්තමේන්තුවෙන් ජාතික හැඳුනුම්පතක්‌ ලබාගෙන ඇති බවත් විමර්ශන නිලධාරීහු අධිකරණය හමුවේ පෙන්වා දුන්හ.

ශලීල මුණසිංහ මහතාගේ මෑණියන් වන බියුලා ඩයස් මහත්මිය, එකල ප්‍රබල අමත්‍යවරයකුව සිටි ලලිත් ඇතුලත්මුදලි මහතතාගේ පෞද්ගලික ලේකම්වරිය ලෙස කටයුතු කර තිබේ.

මෛත්‍රීපාල සිරිසේන මහතා පසුගිය ජනාධිපතිවරණයේදී පොදු අපේක්ෂකයා ලෙස ඉදිරිපත් වුයේ 'හංසයා' පක්ෂයේ මැතිවරණ සලකුණ යටතේය.

පළමු සැකකරු ද්විත්ව පුරවැසියෙක් !

මෙම වංචාවේ පළමු සැකකරු වන ජනක චමින්ද නම්මුණි නමැත්තා එංගලන්තයේ හා ශ්‍රී ලංකාවේ ද්විත්ව පුරවැසිභාවය හිමි අයකු බවද විමර්ශන නිලධාරීහු අධිකරණය හමුවේ පෙන්වා දුන්හ.

ඔහුගේ නමින් ප්‍රධාන පෙළේ රාජ්‍ය බැංකුවක පවත්වාගෙන යන ගිණුමට තායිවාන් කොමර්ෂල් පායිස්‌ටන් බැංකුවෙන් ඇමරිකානු ඩොලර් මිලියන 2.104 ක මුදලක්‌ එනම් රුපියල් මිලියන 300 කට ආසන්න මුදලක්‌ බැරකරවාගෙන ඇති බවත් පසුගිය 03 වැනිදා අලුයම ඔහු එම මුදලින් රුපියල් ලක්‌ෂ 300 ක්‌ ලබාගෙන ඇති බවත් අපරාධ පරීක්‍ෂණ දෙපාර්තමේන්තුව එහිදී අධිකරණයට පෙන්වා දුන්නේය.

එම සැකකරු පසුගිය 06 වැනිදා නැවත එම බැංකුවට පැමිණ තම ගිණුමේ ඇති මුදලින් රුපියල් ලක්‌ෂ 500 ක්‌ එක්‌තරා පෞද්ගලික බැංකුවක පවත්වාගෙන යන ගිණුමකට බැරකරනා ලෙසට බැංකු කළමනාකරුගෙන් ඉල්ලා ඇති බවත් අපරාධ පරීක්‌ෂණ දෙපාර්තමේන්තුව මහෙස්‌ත්‍රාත්වරියට පෙන්වා දුන්නේය.

මෙම වංචාවෙන් ලබාගන්නා මුදල් සියයට 50 ක්‌ ලෙස බොදා ගන්නා බවට ඉන්දියානු ජාතික සැකකරු හා පළමුවන සැකකරු අත්සන් කල ගිවිසුමක්‌ සොයා ගැනීමට හැකිවූ බවද පොලිසියේ විමර්ශන නිලධාරීන් අධිකරණයට පෙන්වා දුන්හ.

පළමුවන සැකකරු සිය ගිණුමට බැරකරවාගත් රුපියල් මිලියන 300 ක මුදලින් රුපියල් මිලියන 270 ක්‌ ඉවත් කරගැනීම අත්හිටුවා ඇති බවද අපරාධ පරීක්‍ෂණ දෙපාර්තමේන්තුව අධිකරණයට දැනුම් දුන්නේය.තායිවානයේ පෞද්ගලික බැංකුවක ගිණුම්වලට අනවසරයෙන් ඇතුළුවී (හැක්‌කර) එහි රහස්‍ය දත්ත වෙනස්‌කර ඩොලර් මිලියන ගණනක මූල්‍ය වංචා කිරීමේ සිද්ධියට රාජ්‍ය නොවන සංවිධානයක් (NGO) ද සම්බන්ධ බවට අපරාධ පරීක්‌ෂණ දෙපාර්තමේන්තුව විසින් අනාවරණය කරගෙන ඇතැයි පොලිස් මුලස්ථාන ආරංචිමාර්ග පවසයි.

තායිවානයේ ඊස්‌ටන් ඉන්ටර්නැෂනල් බැංකුවේ ගිණුමකට අනවසරයෙන් ඇතුළු වී ඇති සංවිධානාත්මක කණ්‌ඩායමක්‌ එහි තිබූ ඩොලර් මිලියන 60 කට අධික මුදලක්‌ ලබාගෙන ඇති අතර එම මුදලින් කොටසක් මෙම සංවිධානයට ලැබී ඇතැයි එම ආරංචිමාර්ග වැඩිදුරටත් පවසයි.

ඒ අනුව එම සංවිධානයේ ප්‍රධානින් ගෙන් ද ඉදිරි දින කිහිපය තුලදී ප්‍රශ්න කිරීමට නියමිත බව පැවසේ.

මෙම වංචාවට සැකපිට අපරාධ පරීක්‌ෂණ දෙපාර්තමේන්තුව විසින් ඊයේ (09 දා) අත්අඩංගුවට ගත් ලිට්‌රෝ ගෑස්‌ සමාගමේ සභාපති ශලීල මුණසිංහ මහතා, එම රාජ්‍ය නොවන සංවිධානයේ ප්‍රධානියකු බවද වාර්තා වේ.

අත්අඩංගුවට ගත් මුණසිංහ මහතා ඊයේ (09 දා) රාත්‍රි අපරාධ පරීක්‌ෂණ දෙපාර්තමේන්තුවේ මූලස්‌ථානයට රැගෙන ගිය අතර මේ සම්බන්ධයෙන් ඔහුගෙන් දීර්ඝ ලෙස ප්‍රශ්න කිරීමට කටයුතු කර තිබිණි.

අද (10 දා) මුණසිංහ මහතා අධිකරණය වෙත ඉදිරිපත් කිරීමට කටයුතු කරන බව පොලිස්‌ මූලස්‌ථාන ආරංචි මාර්ග පැවසීය.

මුදල් බෙදාගෙන :

අපරාධ පරීක්‌ෂණ දෙපාර්තමේන්තුව සිදු කළ විමර්ශනවලින් අනාවරණය වී ඇත්තේ සැකකාර මුණසිංහ මහතා සහ එම මහා පරිමාණ මුදල් වංචාවට සම්බන්ධ ඉන්දියන් ජාතිකයන් කිහිප දෙනකු ඇතුළු කණ්‌ඩායමක්‌ වංචා කරන ලද මුදල් කොළඹ පිහිටි ප්‍රධාන පෙළේ හෝටලයකදී බෙදා ගෙන ඇති බවයි.

මෙම සැකකරු අත්අඩංගුවට ගැනීමට සොයමින් සිටියදී වර්තමාන රජයේ ප්‍රබල මන්ත්‍රීවරයකුගේ රැකවරණය ලබමින් එක්‌තරා විහාරස්‌ථානයක සැඟව සිටින බව පොලිසියට තොරතුරු ලැබී තිබිණි.

බන්ධුල වීරවර්ධන ?

මෙම මහා පරිමාණ මූල්‍ය වංචාව සම්බන්ධයෙන් අත්අඩංගුවට ගෙන බන්ධනාගාරගත කළ හිටපු ජ්‍යෙෂ්ඨ හමුදා නිලධාරියකු වන මේජර් ජනරාල් නම්මුණි මහතාගේ පුත්‍රයා හෙට (11) අධිකරණය වෙත ඉදිරිපත් කිරීමට නියමිතය.

මේ අතර මෙම වංචාවට බන්ධුල වීරවර්ධන නමැති අයකු ද සම්බන්ධ බවත් ඔහු මේවනවිට සැඟවී සිටින බවත් පොලිස් ආරංචිමාර්ග පවසයි.

මොහු රිමාන්ඩ් භාරයේ සිටින ජේ.සී. නම්මුනි නැමැත්තාගේ ඥාතියෙකි.

මොවුන් විසින් මෙසේ වංචාකල මුදල්වලින් ඩොලර් ලක්‍ෂ 25 ක්‌ මෙරට රාජ්‍ය බැංකුවක ගනුදෙනුකරුවන් දෙදෙනකුගේ ගිණුම්වලට ද බැරවී තිබී පොලිසිය සොයා ගෙන ඇත.

මෙසේ මෙරට බැංකුවක ගිණුමකට පැමිණි මුදල්වලින් ඩොලර් ලක්‍ෂ දහතුනක්‌ පමණ ලබාගෙන තිබූ අතර තවත් ඩොලර් දසලක්‍ෂයක මුදලක්‌ බැංකු ගිණුමට බැරව තිබියදී පොලිසිය විසින් අත්හිටුවා තිබිණි.

Leave a comment

Make sure you enter all the required information, indicated by an asterisk (*). HTML code is not allowed.

Top