Oct 12, 2017

තායිවාන් බැංකු 'හැක්' කතාව ප්‍රබන්ධයක් ද ? විමර්ශන නව අතකට ! Featured

තායිවාන් බැංකු ගිණුම් හැක්‌ කර රුපියල් කෝටි 32 ක්‌ වංචා කිරීම සම්බන්ධයෙන් සිදුකෙරෙන විමර්ශන වලදී වැදගත් කරුණු රැසක් මේවනවිට අනාවරනවී ඇති අතර ඒ අනුව එහි පරීක්ෂණ වෙනත් මානයක් කරා ද යොමුවී ඇතැයි පොලිස් මුලස්ථාන ආරංචිමාර්ග පවසයි.

මේ සම්බන්ධයෙන් අත්අඩංගුවට ගෙන ඇති සැකකරුවන්ගේ හා ඔවුන්ගේ හිතවතුන්ගේ මෙන්ම, ඔවුන් සම්බන්ධ රාජ්‍ය නොවන සංවිධාන වල බැංකු ගිණුම් පරික්ෂා කිරීමේදී පසුගිය කාලය පුරාම ඔවුන්ගේ ගිණුම් වලට වරින්වර විශාල වශයෙන් මුදල් බැර වී ඇති බව අනාවරණය වී ඇත.

ඒ අනුව කාලයක් පුරාම සැකකරුවන් හා ඔවුන්ගේ හිතවතුන් කළු සල්ලි සුදු කිරීමේ ව්‍යාපාරයක නිරතව සිටියේදැයි මේවනවිට විමර්ශනය කරමින් සිටින බවත්, මෙම වංචා ක්‍රියාදාමය බැංකු 'හැක්' කිරිල්ලෙන් එහාගිය සැලසුම් සහගත කොල්ලයක් විය හැකි බවට සැකකෙරෙන බවත් අප වෙත තොරතුරු ලබාදුන් ජ්‍යෙෂ්ඨ පොලිස් නිලධාරියා වැඩිදුරටත් කියා සිටියේය.

ලිට්රෝ කොමිස් ද ?

ලිට්රෝ ගෑස් ආනයන ටෙන්ඩර් ලබාදීමේදී බරපතල වංචා සිදුව ඇති බවත්, ඒ අනුව ආණ්ඩුවේ ප්‍රබලයින් කිහිප දෙනෙකුට කොමිස් කුට්ටි ලැබී ඇති බවත් අන්තර්ජාල වෙබ් අඩවි කිහිපයක් පසුගියදා වාර්තා කර තිබිණ.

ඊයේ දිනය වන තෙක් ලිට්රෝ ගෑස් සමාගමේ සභාපති ලෙස කටයුතු කලේ තායිවාන් බැංකු ගිණුම් හැක්‌ කිරීමේ සිද්ධියේ දෙවන සැකකරු වන ශලිල මුණසිංහ මහතාය.

වෙනත් රටවල පුරවැසියන්:

මේ සිද්ධියේ දෙවන සැකකරු වන ලිට්රෝ ගෑස් සමාගමේ සභාපතිවරයා මෙරට පුරවැසිභාවය නැති එංගලන්ත ජාතිකයකු බවත් ඔහු 1990 ගණන් වලට අයත් දත්ත මැකි ගිය ජාතික හැදුනුම්පතක් ඉදිරිපත් කරමින් මෙරට බැංකු ගිණුමක් විවෘත කර ඇති බවත් ඊයේ (11) අධිකරණය හමුවේ ප්‍රකාශ කර සිටි රහස් පොලිසියේ නිලධාරින්,  නම්මුනිගේ නැමැති සැකකරු ද්විත්ව පුරවැසිභාවය ඇති අයකු බවද කියා සිටියේය.

 මෙම පුද්ගලයින් දෙදෙනාටම ඔවුන් වෙනත් රටවල පුරවැසියන් වන හෙයින් ශ්‍රී ලංකාවේ කීර්තිනාමය සම්බන්ධයෙන් වගකීමක් නැති බව පෙන්වා දුන් රහස් පොලිසියේ නිලධාරින්,  මෙම සිද්ධිය හේතුවෙන් ජාත්‍යන්තර වශයෙන් රටට විශාල අපකීර්තියක් එක් කළ බවද කියා සිටියේය.


සබැඳි පුවත් :
ටෙන්ඩර් මගඩියක් : ගෑස් මිල යලි ඉහළට !

Leave a comment

Make sure you enter all the required information, indicated by an asterisk (*). HTML code is not allowed.

Top