15976 BM WEB BANNER 01
Nov 28, 2016

මහවිරු සැමරුමට 3000ක පිරිසක් (ඡායාරූප)

කිලිනොච්චි නගරයේ ඊයේ  (27) පස්වරුවේ පැවති මහවිරු සැමරුම සඳහා තුන් දහසකට ආසන්න පිරිසක් එක්ව සිටි බව වාර්තාවේ.

කිලිනොචිචිය, කනගපුරම් හා මුලංකාවිල් ප්‍රදේශයන්ගේ පිහිටි මහවිරු සුසානයන් පිහිටි ස්ථානයන්ගේ කොඩි ඔසවා, අලංකාරවත් තොරණ ඉදිකරමින් මහවිරු සැමරුම් උත්සව පැවැත්වුණු බව එම වාර්තා සඳහන් කරයි.


'අපටත් අයිතිය තියෙනවා’


රජයට එරෙහි සන්නද්ධ කැරලි දෙකක සටන් වැදී මියගිය තම විරුවන් සැමරීමට ජනතා විමුක්ති පෙරමුණට ඇති අයිතිය යුද වැදුණු විමුක්ති කොටි සංවිධානයේ වීරයන් අනුස්මරණය සඳහා දෙමළ ජනතාවටත් ඇති බව  දෙමළ ජාතික සන්ධානයේ පළාත් සභා මන්ත්‍රී එම් කේ සිවාජිලිංගම් පවසයි.

යාපනයේ නල්ලූර් කෝවිල ඉදිරිපිට මහවිරු සමරු කුලුණ අබියසින් ඇරඹි දෙමළ මහවිරු දින උපහාරයෙන් අනතුරුව මාධ්‍යවේදීන් අමතා කතාකළ සිවාජිලිංගම් මන්ත්‍රීවරයා ප්‍රකාශ කළේ “අපේ වීරයන්ට ගරු කිරීමේ අයිතිය අපට තිබෙන” බවයි.

“දෙමළ විමුක්ති අරගලයේදී මියගිය මහවිරුවන් ඇතුළු දහස් ගණනක් ඥාතීන් සමරන්නට අපිට අවසර අවශ්‍ය නෑ,” යි ඔහු කියා සිටියේය.


ප්‍රසිද්ධියේ සමරන මුල්ම අවස්ථාව:


ශ්‍රී ලංකා රජයේ හමුදා උතුරු නැගෙනහිර සන්නද්ධ බලය තහවුරු කරගත් 2009 මැයි  මාසයෙන් පසු දෙමළ මහ විරුවන් ප්‍රසිද්ධියේ සමරන ලද මුල්ම අවස්ථාව මෙයයි.

කැරළි පරාජය වීමෙන් අනතුරුව ජවිපෙ ප්‍රජාතන්ත්‍රවාදී දේශපාලනයට පිවිස අවිගත් තම නායකයන් සමරන බව පෙන්වාදුන් ඔහු 2009 යුද්ධයෙන් පරාජය වීමෙන් අනතුරුව එල්ටීටීඊ යත් සන්නද්ධ අරගලය අත් හල බව ප්‍රකාශ කළේය.


දෙමළ ස්වයං පාලනය :


සන්නද්ධ සටන අවසන් වූවත් දෙමළ ජනතාවට ස්වයං පාලනයක් ලැබෙන තුරු අරගලය අත් නොහරින බව කී සිවාජිලිංගම් මන්ත්‍රීවරයා වැඩිදුරටත් ප්‍රකාශ කළේ ලක්ෂයකට වැඩි ජනතාවකගේ ජීවිත අහිමිවූ යුද්ධයේ සිදුවූ අපරාධ, මානව හිමිකම් කඩවීම සහ ජනසංහාරය සම්බන්ධයෙන් යුක්තිය දිනා ගැනීමත් දෙමළ ජනතා අභිලාෂයක් බවයි.

යුද හමුදාව විසින් විනාශ කර දමන ලද කෝපායි හමුදා කඳවුර ඉදිරිපිට එල්ටීටීඊ මහවිරු සුසානයක් පිහිටි ස්ථානය ඉදිරිපිට ධූප දැල්වීමක්ද මන්ත්‍රීවරයා විසින් සිදු කරන ලදී.

(radiogagana)

Mahawiru

Leave a comment

Make sure you enter all the required information, indicated by an asterisk (*). HTML code is not allowed.

Top