nsb

Dec 04, 2016

ගෝඨාගේ පාර්ශවයෙන් ජනපතිට පණිවිඩයක් ! Featured

තමන්ට මහින්ද රාජපක්ෂ ජනාධිපතිවරයා යටතේ නිලධාරියකු ලෙස වැඩ කළාට වඩා පහසුවෙන් මෛත්‍රීපාල සිරිසේන ජනාධිපතිවරයා එක්ක වැඩ කළ හැකි බවට හිටපු ආරක්ෂක ලේකම් ගෝඨාභය රාජපක්ෂ මහතා ජනාධිපති මෛත්‍රීපාල සිරිසේන මහතා වෙත පණිවිඩයක් එවා ඇති බව ශ්‍රීලනිපයේ අභ්‍යන්තර ආරංචි මාර්ග පවසයි.

මෙම පණිවිඩය එක්සත් ජනතා නිදහස් සන්ධානයේ ප්‍රධානියකු විසින් ජනාධිපතිවරයා වෙත ලබා දී ඇත.

ඔහු පසුගිය මාස කිහිපය තුළ රාජපක්ෂවරු සහ ජනාධිපතිවරයා අතර එකඟතාවක් ඇති කිරීම වෙනුවෙන් සාකච්ඡා කිහිපයක නිරතව සිටි බවත් දැනගැනීමට තිබේ.


දෙකඩ වීම වළක්වා ගැනීම:


ශ්‍රීලනිපය දෙකඩ වීම වළක්වා ගැනීම සඳහා රාජපක්ෂවරු හා සහයෝගයෙන් කටයුතු කිරීම විය යුතු බවට මතයක් මේ වන විට ශ්‍රීලනිපය තුළ ගොඩනැගී තිබේ.

රාජපක්ෂ විරෝධී කොටස් මීට බරපතළ ලෙස විරුද්ධ මතයක සිටියත් අනෙක් පාර්ශ්වය අභියෝග කර ඇත්තේ ජනාධිපතිවරයාවත් ශ්‍රීලනිපයත් ශක්තිමත් කිරීම සඳහා හැකිනම් ගෝඨාභය රාජපක්ෂ සහ පී. බී. ජයසුන්දර වැනි නිලධාරීන් දෙදෙනකු ජනාධිපතිවරයාට හඳුන්වා දෙන ලෙසය.

කෙසේ නමුත් මෙහි දී මහින්ද රාජපක්ෂ හෝ බැසිල් රාජපක්ෂ හෝ ජනාධිපතිවරයාට සමීප කරනවාට වඩා චමල් රාජපක්ෂ මහතා සමඟ කටයුතු කිරීමට ශ්‍රීලනිපයේ රාජපක්ෂ විරෝධී කණ්ඩායමේ කැමැත්ත හිමිව තිබේ.

 ගෝඨාභය රාජපක්ෂ මහතාව ජනාධිපතිවරයා සමඟ සම්බන්ධ කරන්නේ නම් ඒ චමල් රාජපක්ෂ මහතා සමඟ විය යුතු බවත් එම පිරිසේ අදහස වී ඇත.


'වියත් මඟ' :
 

එහි දී මූලිකවම ගෝඨාභය රාජපක්ෂ මහතාට රජයේ නිලධාරියකු ලෙස ඉහළ පත්වීමක් ලබා දීම ගැන ද සාකච්ඡා කෙරී ඇත.

ගෝඨාභය රාජපක්ෂ මහතා ඉහත කී පණිවිඩය ජනාධිපතිවරයාට ලබා දී ඇත්තේ ඒ අනුවය.

 කෙසේ නමුත් ජනාධිපතිවරයා මේ සම්බන්ධයෙන් මෙතෙක් නිශ්චිත මතයක් ප්‍රකාශ කර නැති  අතර ගෝඨාභය රාජපක්ෂ සමඟ වන සාකච්ඡා වලට යහපත් ප්‍රතිචාරයක් දක්වා ඇත.

මෙම සාකච්ඡා සඳහා ගෝඨාභය රාජපක්ෂ මහතා  නියෝජනය කරමින් 'වියත්මඟ' සංවිධානයේ ආචාර්ය නාලක ගොඩහේවා, ආචාර්ය මීගහකිවුල, ජනාධිපති නීතිඥ අලි සබ්‍රි, විශ්‍රාමික මේජර් ජෙනරාල් පාලිත ප්‍රනාන්දු සහ ප්‍රකට මාධ්‍ය ආයතනයක හිමිකරුවකු සම්බන්ධ වී සිටී.

ගෝඨාභය රාජපක්ෂ මහතා හා ජනාධිපතිවරයා අතර සම්බන්ධයක් ගොඩනැගීම සඳහා හිටපු අමාත්‍ය මිලින්ද මොරගොඩ මහතා ද සක්‍රියව මැදිහත්ව සිටින බව දේශපාලන ආරංචිමාර්ග පවසයි.


අතරමැදියකු අවශ්‍ය නැහැ :


මේ සම්බන්ධයෙන් 'ශ්‍රී ලංකා මිරර්' කල විමසීමකදී ගෝඨාභය රාජපක්ෂ මහතා පැවසුයේ, ජනාධිපති මෛත්‍රීපාල සිරිසේන මහතා සමග ගනුදෙනු කිරීමට තමාට අතරමැදියකු අවශ්‍ය නොවන බවයි.

තමාට ගැටළු මතුවූ අවස්ථා කිහිපයකදීම ජනාධිපතිවරයාට දුරකතනයෙන් කතාකර ඒ පිළිබඳව දැන්වූ අවස්ථාවලදී ජනාධිපතිවරයා ඒ සම්බන්ධයෙන් විශේෂ අවධානයක් යොමුකර තිබු බවත් ගෝඨාභය රාජපක්ෂ මහතා වැඩිදුරටත් කියා සිටියේය.


සබැඳි පුවත් :

ගෝඨාව උස්සන්න මිලින්ද චීන මෙහෙයුමක !

Leave a comment

Make sure you enter all the required information, indicated by an asterisk (*). HTML code is not allowed.

Top