Pasidol
Sathosa Ad Final Sinhala
15976 BM WEB BANNER 01
Dec 06, 2016

බැසිල්ට නෝ කේස්, නීතිපති කේස් හකුලයි

පසුගිය ජනාධිපතිවරණ සමයේ දිවිනැඟුම අරමුදලෙන් රු. ලක්ෂ 290ට අධික මුදලක් යොදවාගෙන  ලිත් ලක්ෂ 50ක් මුද්‍රණය කිරීමට පියවර ගැනීම තුළින් එම අරමුදල් සාවද්‍ය ලෙස පරිහරණය කිරීම ඇතුළු අධි චෝදනා 05 ක් යටතේ නීතිපතිවරයා විසින් හිටපු අමාත්‍ය බැසිල් රාජපක්ෂ ඇතුළු දෙදෙනෙකුට  ඉදිරිපත් කළ අධිචෝදනා පත්‍ර ඉල්ලා අස්කරගෙන තිබේ.

අදාළ නඩුව අද (06) කැඳවූ අවස්ථාවේදී නීතිපතිවරයා වෙනුවෙන් රජයේ නීතිඥවරයා විසින් මෙම අධිචෝදනා පත්‍ර අද කොළඹ මහාධිකරණය හමුවේ ඉල්ලා අස්කර ගෙන තිබේ.

ඒ අනුව හිටපු ආර්ථික සංවර්ධන අමාත්‍ය බැසිල් රාජපක්ෂ සහ සමෘද්ධි අරමුදලේ හිටපු අධ්‍යක්ෂ ජනරාල් කිත්සිරි රණවක යන විත්තිකරුවන් නිදහස් කිරීමට මහාධිකරණය විසින් කටයුතු කර ඇත.

මේ සම්බන්ධයෙන් කරුණු ඉදිරිපත් කරමින් රජයේ නීතිඥවරයා අධිකරණයට දන්වා සිටියේ ගොනුකරන ලද අධිචෝදනා පත්‍රවල තාක්ෂණික දෝෂයක් පවතින බැවින් නැවත නඩු පැවරීමේ බලාපොරොත්තුවෙන් ඒවා ඉවත්කර ගැනීමට අවසර ලබාදෙන ලෙසයි.

ඒ අනුව එම ඉල්ලීම පිළිගත් මහාධිකරණ විනිසුරු පත්මිණී එන්. රණවක එම අධිචෝදනා ඉවත්කර ගැනීමට අවසර ලබාදී තිබේ.

මීට පෙරාතුව තමාට වෛද්‍ය ප්‍රතිකාර ලබාගැනීම සඳහා මාස 3ක කාලයක් අමෙරිකාවේ සංචාරය කිරීමට බැසිල් රාජපක්ෂ මහතා විසින් අධිකරණයෙන් අවසර ඉල්ලා තිබුණු අතර අද දිනයේ එම ඉල්ලීමටද අවසර ලබාදී ඇත.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top