Jan 06, 2017

'යහපාලන ගිවිසුම දිගු නොකර මහින්ද අගමැති කරන්න' - නලීන් ද සිල්වා

වත්මන් යහපාලන ගිවිසුම අවසන් වීමෙන් පසු තවත් කල් නොයවා හිටපු ජනාධිපති මහින්ද රාජපක්ෂ මහතා හෝ ඒකාබද්ධ විපක්ෂයේ වෙනත් අයෙකු අග්‍රාමාත්‍ය ධුරයට පත් කරන්නැයි දේශය සුරකීමේ ජාතික ව්‍යාපාරය ජනාධිපතිවරයාගෙන් ඉල්ලීමක් කරයි.

ආචාර්ය නලීන් ද සිල්වා මෙම අදහස් පල කළේ කොළඹ ඊයේ පස්වරුවේ පැවති සම්මන්ත්‍රණයකදීය.

පූජ්‍ය ඇල්ලේ ගුණවංශ හිමියන් සහ ඒකාබද්ධ විපක්ෂය නියෝජනය කරමින් දිනේෂ් ගුණවර්ධන, මහාචාර්ය ජී. එල්. පීරිස් හා කෙහෙළිය රඹුක්වැල්ල ඇතුළු පිරිසක් ද ඊට සහභාගී වී සිටියේය.

ඒකාබද්ධ විපක්ෂයේ මෙම නියෝජිතයින් අමතමින් පූජ්‍ය ඇල්ලේ ගුණවංශ හිමියන් කියා සිටියේ වෙනත් පාර්ශව සමග ගිවිසුම්වලට එළඹෙනවා සේම මින් ඉදිරියට සිය සහය අපේක්ෂා කරන්නේ නම් තමන් සමග ද ගිවිසුමකට එළඹිය යුතු බවයි.

රට දෙකඩ කිරීමට ඉඩ නොදෙමු යන තේමාව යටතේ මෙම සම්මන්ත්‍රනය සංවිධාන කර තිබිණ.

Leave a comment

Make sure you enter all the required information, indicated by an asterisk (*). HTML code is not allowed.

Top