nsb

Jan 10, 2017

'සංහිඳියාවට නාමකරණයට එහා ගිය මැදිහත් වීමක් අවශ්‍යයි' – සමනලී

සංහිඳියාව හා සහජීවනය ඇති කිරීම සඳහා සති මාස නම් කිරීමෙන් එහා ගිය මැදිහත් වීමක් රජය විසින් සිදු කල යුතු අතර ඒ වෙනුවෙන් කැප වන ක්‍රියාධාරයන් සඳහා අවශ්‍ය අවකාශය සකසා දීමට රජය මැදිහත් විය යුතු බව 'අලුත් පරපු‍ර' නියෝජනය කරන රංගන ශිල්පිනී සමනලී ෆොන්සේකා පවසයි.

ව්‍යෘපෘති වශයෙන් දේවල් ආරම්භ කිරීම ඹ්නෑම කෙනෙක්ට සිදු කල හැකි නමුත් මිනිසුන්ගේ ආකල්ප වෙනස් කිරිම සඳහා කල යුත්තේ කුමක්ද යන්න සොයා බැලිය යුතු බව ඇය පවසා සිටියේ, රජය විසින් නම් කර ඇති ජාතික ඒකාබද්ධතා හා සහජීවන සතිය පිළිබඳව 'සිලෝන් ජර්නල්ස්' වෙත අදහස් දක්වමිනි.

පිළිගත හැකි විසඳුමක්:

එවැනි දින නම් කිරීම හොඳ නමුත් එවැන්නකින් නොනැවතී සැබෑ ලෙසම ජාතික ප්‍රශ්නය විසඳමට හා දෙමළ ජනයාට පිළිගත හැකි විසඳුමක් ලබා දීමට කළ යුත්තේ කුමක්ද යන්න සොයා බලා ඒ වෙනුවෙන් කැපවීම මේ මොහොතේ රජයේ ප්‍රමුඛ කාර්යභාරය බව සමනලී ෆොන්සේකා අවධාරණය කළාය.

විශේෂයෙන් දකුණේ ජීවත්වන ජනතාව උතුරේ ජනතාව කෙරෙහි ඇති වෛරී සහගත තත්වය වෙනස් කල හැක්කේ කෙසේද යන්න හා ඒ සඳහා කොයිතරම් දුරට කැපවිය යුත්ද යන්න කෙරෙහි අවධානය යොමු කර ඒ වෙනුවෙන් වැඩ කිරීමෙන් තුළින් රජයට සංහිඳියා අරමුණු යථාර්ථයක් කර ගත හැකි බවට ඇය විශ්වාසය පළ කළාය.

යුගයක නිමාව :

වසර ගණනක් තිස්සේ බැට කෑ යුද්ධය අවසන් වුවද යුද්ධයක් ඇති වීමට බලපෑ කාරණා වලට මෙතෙක් විසඳුම් ලැබී නොමැති බව පවසන රංගන ශිල්පිනී සමනලි ෆොන්සේකා අවධාරණය කරන්නේ, යෝජිත නව ව්‍යවස්ථාව මඟින් ජාතික ප්‍රශ්නයට හා දෙමළ ජනතාවට පිළිගත හැකි විසඳුමක් ලබා දීමට රජය අනිවාර්යෙන්ම කටයුතු කළ යුතු බවයි.

බහුතරය විසින් සුලුතරය පෑගී සිටින යුගය තවමත් අවසන් වී නොමැති බව පෙන්වා දෙන ඇය, නව ව්‍යවස්ථාව මඟින් එම යුගය අවසන් කර දෙමළ ජනයා ඇතුලු සුලුතර ජන කොටස් කෙරෙහි වඩා සුභවාදී වන ව්‍යවස්ථා සංශෝධනයක් සිදු විය යුතු බව අවධාරණය කරයි.

මනුෂ්‍යත්වයට සමීප රටක් :

ඉතිහාසයේ සිදුවු වැරදි අඩුපාඩුකම් යළි සිදු නොවීමට නව ව්‍යවස්ථාව මඟින් වගබලා ගත යුතු අතර ජාතික ප්‍රශ්නයට විසඳුම් ලබා දීමට හා ව්‍යවස්ථා සංශෝධනයට විරුද්ධ ඇතැම් ආගමික නායකයන් හා කොටස් තවත් ජන කොටස් මෙරට ජිවත් වන බව මෙන්ම තිස් වසරක යුද්ධයෙන් සියලු ශ්‍රී ලංකිකයන් බැට කෑ බව අමතක නොකළ යුතු බව ඇය 'සිලෝන් ජර්නල්ස්' වෙත වැඩි දුරටත් පවසා සිටියා ය.

අනෙකුත් ප්‍රශ්න අමතක කර ඉදිරියේදී මනුෂ්‍යත්වයට වඩාත් සමීප ආකාරය රට ගොඩනැංවීමට සියලු දෙනා වඩා වැඩි අවධානයකින් කටයුතු කල යුතු බවට සමනලී ෆොන්සේකා තවදුරටත් විශ්වාසය පළ කළාය.

(ceylonjournals)


සබැඳි පුවත් :

සංහිඳියාව කාලීන අවශ්‍යතාවයක් – චිත්‍රාල් සෝමපාල

'යුක්තිය ඉටු නොවන තාක් සංහිඳියාව ඇති නොවේ' - භාෂණ

Leave a comment

Make sure you enter all the required information, indicated by an asterisk (*). HTML code is not allowed.

Top