nsb

Feb 07, 2017

බිඳවැටුණු ලේක්හවුස් ගොඩදාන්න ජනපතිගෙන් කමිටුවක්

ලේක්හවුස් ආයතනයේ කටයුතු විධිමත් කිරීම පිළිබඳ සොයාබැලීම සඳහා ජනාධිපති මෛත්‍රීපාල සිරිසේන මහතා විසින් විශ්‍රාමලත් ශ්‍රේෂ්ඨාධිකරණ විනිසුරු නිමල් දිසානායක මහතාගේ සභාපතිත්වයෙන් යුතු සිව් පුද්ගල කමිටුවක් පත් කර තිබේ.

එම කමිටුවේ සෙසු සාමාජිකයින් ලෙස රාජා ප්‍රේමදාස, වී.ඩී දහනායක, නීතිඥ චන්ද්‍රසිරි සෙනෙවිරත්න යන අය පත්කර ඇති බව ජනාධිපති මාධ්‍ය අංශය පවසයි.

ලේක්හවුස් ආයතනයේ පරිපාලන දුර්වලතා හඳුනාගැනීම, මූල්‍ය තත්ත්වය පිළිබඳ විමර්ශනය, සහ සේවක පරිපාලනය පිළිබඳ මෙම කමිටුව විසින් සොයා බැලීමට නියමිත බව සඳහන්ය.

අදාළ කමිටුවේ වාර්තාව මාස 3ක් ඇතුළත ජනාධිපතිවරයා වෙත බාරදිය යුතු අතර කමිටු වාර්තාව සැකසීමේදී සේවක හා මහජන අදහස් විමසීමද අපේක්ෂා කරන බව ජනාධිපති මාධ්‍ය අංශය විසින් නිකුත් කළ නිවේදනයක දැක්වෙයි.

යහපාලන ආණ්ඩුව සකස් කිරීමේදී ලේක්හවුස් ආයතනය හා ස්වාධීන රූපවාහිනිය එක්සත් ජාතික පක්ෂයටත්, රූපවාහිනිය ශ්‍රී ලංකා නිදහස් පක්ෂය යටතටත් ගැනෙන පරිදි වෙන්කරගෙන තිබිණි.

ඒ අනුව, අග්‍රාමාත්‍යවරයා විසින් ලේක්හවුස් ආයතනයේ සභාපතිවරයා ලෙස කාවන් රත්නායක මහතා පත්කර තිබූ අතර එහි කර්තෘ මණ්ඩල අධ්‍යක්ෂවරයා ලෙස සමන් වගාරච්චි මහතා පත්කළේය.

Leave a comment

Make sure you enter all the required information, indicated by an asterisk (*). HTML code is not allowed.

Top