Pasidol
Sathosa Ad Final Sinhala
15976 BM WEB BANNER 01
Nov 09, 2016

රියැලිටි රූපවාහිනියෙන් ජනපති පුටුවට

ඇමරිකානු ජනාධිපතිවරණයෙන් ජයගත් ඩොනල්ඩ් ට්‍රම්ප් කුඩා කාලයේ නිව්යෝර්ක් නගරයේදී හැදී වැඩුනේ ධනවත් ව්‍යාපාරිකයෙකුගේ සිව් වැනි පුතු ලෙසටය.

පසුව ඔහු තම පවුලේ ව්‍යාපාරය බ්රූක්ලින් සහ ක්වීන්ස් හි නිවාස සංඛීර්නවල සිට මෑන්හැටන් ප්‍රදේශය දක්වා රැගෙන ගියේය.

පස්වැනි වීදියේ 'ට්‍රම්ප් කුළුණ' ඔහුගේ සාර්ථකත්වයේ සලකුණක් ලෙස සැලකේ.

trump0

එහෙත් පසුව ඔහු තම ව්‍යාපාර කැසිනෝ සහ හෝටල් ව්‍යාපාරය දක්වා ව්‍යාප්ත කළ අතර එහි ප්‍රතිඵලය වූයේ සිව් වතාවක්ම බංකොලොත්භාවයට පත්වීමයි.

කෙසේවුවද, ෆොර්බ්ස් සඟරාවට අනුව ට්‍රම්ප්ගේ වර්තමාන දේපළවල වටිනාකම ඩොලර් බිලියන 3.7 ක් වුවද ට්‍රම්ප් නිරතුරුව පවසන්නේ එය ඩොලර් බිලියන 10 ක් බවය.

ඩොනල්ඩ් ට්‍රම්ප් ඇමරිකාව තුළ කවුරුත් දන්නා චරිතයක් බවට පත්වුයේ ඇමරිකානු රූපවාහිනියේ 'ද ඇප්‍රන්ටිස්' රියලිටි වැඩසටහන ඔස්සේය.

trump1

ජනාධිපතිවරණය සඳහා ඉදිරිපත්වීමෙන් පසු තම ප්‍රචාරක ව්‍යාපාරය තුළ ප්‍රකෝපකාරී අදහස් දැක්වීමේ ක්‍රමයක් අනුගමනය කළ ට්‍රම්ප් ඇමරිකානු ආර්ථිකය ශක්තිමත් කිරීමටත්, මෙක්සිකානු දේශසීමාව හරහා තාප්පයක් බැඳීමටත්, මුස්ලිම් භක්තිකයන් ඇමරිකාවට ඇතුල්වීම තාවකාලිකව තහනම් කිරීමටත් පොරොන්දු දී තිබිණ.

මේ වනවිට හැත්තෑ වැනි වියේ පසුවන ට්‍රම්ප් තුන් වතාවක් විවාහ වී ඇති අතර ඔහුගේ වර්තමාන බිරිඳ වන්නේ නිරූපිකාවක් වන මෙලනියා නවුස්ය.


(බිබිසි)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top