Nov 20, 2016

ෆැෂන් බග් ගින්න: රස පරීක්ෂක පැමිණෙයි(update)

ගිනි ගැනීමට ලක් වූ බොරලැස්ගමුව, පැපිලියානේ පිහිටි ෆැෂන් බග් ගබඩා සංකීර්ණය පරීක්ෂාවට ලක් කිරීම සදහා රජයේ රස පරීක්ෂක වරයා එම ස්ථානයට පැමිණ තිබේ.

update-12.25pm

--------------------------------------------------

ෆැෂන් බග් පාඩුව රුපියල් මිලියන 200යි

බොරලැස්ගමුව, පැපිලියානේ පිහිටි ෆැෂන් බග් ගබඩා සංකීර්ණයේ ඇති වූ ගින්නෙන් සිදුව ඇති පාඩුව දළ වශයෙන් රුපියල් මිලියන 200ක් පමණ වන බව වාර්තා වේ.

අදාළ, ගින්නෙන් එම ගබඩාවේ ගොඩනැගිල්ලට පාඩු සිදුව නැතත් එහි ගබඩාකර තිබූ නිමි ඇඳුම්වලට දැඩි හානි සිදුව ඇති බව පැවසේ.

එසේම, එම ගබඩාවේ තොරතුරු ගබඩා පරිගණක පද්ධතියටද හානි සිදුව ඇති බව වාර්තා වේ.

CCTV දෘඩ තැටිය පොලිසිය ගෙනයාම ගැන කචල් එකක්

ඊයේ (19) රාත්‍රියේ එම ගබඩා සංකීර්ණයේ ගින්න ඇතිවූ අවස්ථාවේ එහි තිබූ CCTV කැමරා පද්ධතියේ දෘඩ තැටිය (hard disk) ගලවාගෙන යාම සම්බන්ධයෙන් ෆැෂන් බග් හිමිකරුවන් කනගාටුවෙන් සිටින බව වාර්තා වේ.

එම දෘඩ තැටිය (hard disk) පොලිසියට අයත් එකක් නොවන බවත් එය අදාළ ආයතනය සතු එකක් බවත් ඔවුන් කියා සිටී.

එම දෘඩ තැටිය (hard disk) සමඟ පොලිසියට ෆැෂන් බග් හි සේවයකරනු ලබන තරුණ සේවකයෙක් රැගෙන ගොස් ඇති බවත්, ඔහුට පොලිසිය පහරදී ඇති බවට රාවයක් පවතී.

එම තරුණයා අද (20) රෝහලින් ප්‍රතිකාර ගෙන ඇති බවද පැවසේ.

- කැළුම් ශිවන්ත

සබැඳි පුවත්
පැපිලියාන ෆැෂන් බග්හි ගින්නක් : “පහරදීමක් නොවෙයි”

Leave a comment

Make sure you enter all the required information, indicated by an asterisk (*). HTML code is not allowed.

Top