Dec 01, 2016

රටයාමට ගෝඨාටත් අවසර දෙයි !

හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු හත්දෙනෙකුට එරෙහිව විදෙස්ගවීම වලක්වාලමින් ලබාදී තිබූ තහනම ඉවත් කිරීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා අද (01) නියෝග කළේය.

රජයේ නීතීඥවරයා මේ සම්බන්ධයෙන් විරෝධතාවයක් නොදැක්වූ අතර ඒ අනුව අදාළ නියෝගය ලබාදුන්නේය.

ලබන වසරේ පෙබරවාරි මස 13 වැනිදා මේ නඩුව යළි කැඳවීමට නියමිතය.

ඇවන්ගාඩ් සමාගමට පාවෙන අවි ගබඩාවක් පවත්වාගෙන යාමට අවසර ලබාදීම තුළින් රුපියල් බිලියන 11.4 ක මුදලක් රජයට පාඩු කළ බව පවසමින් හිටපු ආරක්ෂක ලේකම්වරයා ඇතුලු අටදෙනෙකුට අල්ලස් කොමිසම මේ නඩුව පවරා තිබේ.

මෙම නඩුවේ දෙවැනි විත්තිකාරිය අධිකරණය හමුවේ අද පෙනී නොසිටි අතර ඊට හේතු දක්වමින් වෛද්‍ය වාර්තාවක්ද ඉදිරිපත් කර තිබුණා.

Corurt1 600px 16 12 01

Leave a comment

Make sure you enter all the required information, indicated by an asterisk (*). HTML code is not allowed.

Top