Pasidol
Sathosa Ad Final Sinhala
15976 BM WEB BANNER 01
''තිලක් මාරපන කමිටුව, පිටිපන කමිටුවට හපන් එකක් වෙනවා'' ''තිලක් මාරපන කමිටුව, පිටිපන කමිටුවට හපන් එකක් වෙනවා''
Jan 19, 2018

'රවී වැරදිකරුදැයි හොයන්න මාරපන පත්කිරීම විහිළුවක්' - ජවිපෙ

අර්ජුන් මහේන්ද්‍රන්ලාගේ මහ බැංකු කොල්ලයට රවී කරුණානායක සම්බන්ධ දැයි පරීක්‍ෂණ කරන්න ඇවන්ගාඩ් වංචාවට චූදිතයෙක් වී ඇමතිකමිනුත් ඉල්ලා අස්වීමට සිදුවුණු තිලක් මාරපන පත්කිරීම සැබෑම විහිළුවක් බව ජනතා විමුක්ති පෙරමුණේ දේශපාලන මණ්ඩල සභික, පාර්ලිමේන්තු මන්ත්‍රී සුනිල් හඳුන්නෙත්ති මහතා සඳහන් කරයි.

සුනිල් හඳුන්නෙත්ති මහතා මේ බව සඳහන් කළේ අද (19) පෙරවරුවේ බත්තරමුල්ල, පැලවත්ත හි ජනතා විමුක්ති පෙරමුණේ ප්‍රධාන කාර්යාලයේ පැවති මාධ්‍ය හමුවකදීය.

මෙහිදී වැඩිදුරටත් අදහස් දැක්වු හඳුන්නෙත්ති මහතා මෙසේ කියා සිටියේය.

''රනිල් වික්‍රමසිංහ අගමැතිවරයා බැඳුම්කර වාර්තාව පිළිබඳ විශේෂ ප්‍රකාශයක් කළා. රටේ ජනතාව බලාගෙන හිටියා, බරසාර ප්‍රකාශයක් කරයි කියලා.

වාර්තාවේ සඳහන් වෙලා තිබෙන රනිල් වික්‍රමසිංහ ගැන, අර්ජුන මහේන්ද්‍රන් ගැන, අර්ජුන ඇලෝසියස් ගැන විශේෂ ප්‍රකාශයක් කරයි කියලා.

අගමැතිවරයාගේ කතාවට අනුව ඔහු වරදක් කරලා නැහැලු. එජාපයේ කවුරු හරි වැරදි කරලා තිබෙනවා නම් ඒ පිළිබඳව සොයා බලන්න තිලක් මාරපන කමිටුව පත්කරනවාලු.

අර්ජුන් මහේන්ද්‍රන්ලාගේ මහ බැංකු කොල්ලය ගැන හොයන ඒකට රනිල් වික්‍රමසිංහ, රවී කරුණානායක සම්බන්ධද කියලා පරීක්‍ෂණ කරන්න ඇවන්ගාඩ් වංචාවට චූදිතයෙක් වෙලා ඇමතිකමිනුත් ඉල්ලා අස්වෙන්න සිදුවුණු තිලක් මාරපන පත් කරනවාද?

Sunil H1

''අද වෙලා තියෙන්නේ ගලේ පහරපු බළලාට වෙච්ච දේට හපන් දෙයක්''

මහා පරිමාණ මූල්‍ය අපරාධ පිළිබඳ ජනාධිපති කොමිසමේ වාර්තා 34න් එකක ඇවන්ගාඩ් හොරකම ගැන තියෙනවා.

ඒ වාර්තාව බැලුවොත් තිලක් මාරපනගේ වාර්තාව හොයාගන්න පුළුවන්. ඒ නිසා තිලක් මාරපන කමිටුව, පිටිපන කමිටුවට හපන් එකක් වෙනවා.

තිලක් මාරපනට මන්ත්‍රීකම ජාතික ලැයිස්තුවෙන් දුන්නේ රනිල් වික්‍රමසිංහයි. ඔහුට ඇමතිකම දුන්නේ රනිල් වික්‍රමසිංහයි.

එසේ තිබියදී රනිල් වැරදිද කියලා හොයන්න මාරපන පත්කරනවා.

අනෙක් පැත්තෙන් අර්ජුන ඇලෝසියස්ගේ නීතිඥයා තිලක් මාරපනගේ සහෝදරයායි. අර්ජුන් මහේන්ද්‍රන් සහ අර්ජුන ඇලෝසියස් අතර ලබැඳියාවන් අතර ගැටලුව හොයන්න පත්කරන තිලක් මාරපනගේ සහෝදරයා ඇලෝසියස්ගේ නීතිඥයායි.

ඒ නිසා අද රනිල් වික්‍රමසිංහලාට වෙලා තියෙන්නේ ගලේ පහරපු බළලාට වෙච්ච දේට හපන් දෙයක්.

බැඳුම්කරේ කැත රනිල් වික්‍රමසිංහ මුළු පක්ෂයේම ගාලා ඉවරයි.

රනිල් වික්‍රමසිංහ එජාප පාක්‍ෂිකයින්ටත් කරලා තියෙන්නේ බරපතළ අපහාසයක්.

රනිල් වික්‍රමසිංහ මොනවා කියලා බේරෙන්න හැදුවත් ඔහුත් ඔහුගේ ගෝල බාලයින් ටිකත් මේ ගනුදෙනුවට සම්බන්ධ බව හෙළිදරව් වෙලා ඉවරයි.''

සම්පූර්ණ වීඩියෝව පහතින් 

 

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top