Pasidol
Sathosa Ad Final Sinhala
15976 BM WEB BANNER 01
Jan 31, 2017

ට්‍රම්ප් මාව පිටසක්වල ජීවියෙක් කරලා - මෝ ෆාරා

ඇමෙරිකානු ජනපති ඩොනල්ඩ් ට්‍රම්ප්, තමාව පිටසක්වල ජීවියෙක් බවට පත්කර ඇති බව බ්‍රිතාන්‍යයේ සුපිරි මළල ක්‍රීඩක මෝ ෆාරා පවසයි.

සංක්‍රමණිකයන් පිළිබඳව ට්‍රම්ප් ජනපතිවරයා ගේ නව විධායක තීන්දු සම්බන්ධයෙන් ඔහු පළ කර ඇති ෆේස්බුක් පණිවිඩයක මේ බව සඳහන් වේ.

“ජනවාරි 01 දා බ්‍රිතාන්‍යයේ මහරැජින විසින් මාව නයිට්වරයෙකු ලෙස නම් කළා. ජනවාරි 27දා ජනපති ඩොනල්ඩ් ට්‍රම්ප්, මාව පිටසක්වල ජීවියෙක් කරලා වගේ,” යැයි ඔහු සිය ෆේස්බුක් පණිවිඩයේ සඳහන් කර තිබේ.

රටවල් 7කින් ඇමෙරිකාවට පැමිණෙන සංක්‍රමණිකයන් තහනම් කිරීමට ඇමෙරිකානු ජනපති ඩොනල්ඩ් ට්‍රම්ප් පසුගියදා තීරණය කර තිබුණි.

මෙම නියෝගය මගින් සෝමාලියානු ජාතිකයන්ට ද බලපාන අතර, මේ හේතුවෙන් ඇමෙරිකාවේ වෙසෙන සිය දරුපවුල බැලීමට යාමේදී බාධා ඇති වේ යැයි උපතින් සෝමාලියානු ජාතිකයෙකු වන මෝ ෆාරා සිය කනස්සල්ල පළ කර තිබුණි.

කෙසේවෙතත්, බ්‍රිතාන්‍යයේ විදේශ කටුයුතු කාර්යාලය විසින් පසුව ප්‍රකාශ කර තිබුණේ ද්විත්ව පුරවැසිභාවය හිමි පුද්ගලයන් හට බලපෑම් එල්ල වනු ඇත්තේ තහනම් කර ඇති රටේ සිට ඇමෙරිකාවට ගමන් කිරීමේදී පමණක් බවයි. මේ හේතුවෙන් මෝ ෆාරා ට බලපෑමක් ඇති නොවන බව එහි වැඩිදුරටත් සඳහන් වී ඇත.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top