Feb 10, 2017

තේරීම් කමිටුවේ සෙසු සාමාජිකයිනුත් අස්වෙයි Featured

තේරීම් කමිටු සභාපති සනත් ජයසූරිය මහතා ඉල්ලා අස්වීමෙන් පසුව සෙසු සාමාජිකයින් තිදෙනාද තේරීම් කමිටුවෙන් ඉල්ලා අස්වී ඇතැයි වාර්තා වේ.
 
සනත් ඉල්ලා අස්වී ඇති බව තමා නොදන්නා බව ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා ඊයේ (09) කොළඹ පැවති මාධ්‍ය හමුවකදී කියා සිටියද, සනත් සිය ඉල්ලා අස්වීම සභාපතිවරයාට හා ක්‍රීඩා අමාත්‍ය දයාසිරි ජයසේකර මහතාට යොමුකර ඇති බවද පැවසේ.
 
ශ්‍රී ලංකා ක්‍රිකට් තේරීම් කමිටුවේ සාමාජිකයින් ලෙස රොමේෂ් කළුවිතාරණ, එරික් උපශාන්ත හා රංජිත් මධුරසිංහ යන මහත්වරුන් කටයුතු කළහ.
 
තිලංග රෑ සනාව ගෙන්නගනියි
 
තිලංග සුමතිපාල මහතා හා සනත් ජයසූරිය මහතා අතර ඊයේ (09) රාත්‍රියේ දීර්ඝ සාකච්ඡාවක් පැවැති බව ශ්‍රී ලංකා ක්‍රිකට් අභ්‍යන්තර ආරංචි මාර්ගවලින් වාර්තා වේ.
 
කෙසේවුවද එම සාකච්ඡාවේ තීරණය මෙතෙක් වාර්තා වී නොමැත.
 
සබැඳි පුවත් 
 
 
 

Leave a comment

Make sure you enter all the required information, indicated by an asterisk (*). HTML code is not allowed.

Top