nsb

Apr 26, 2017

ලංකාව පුහුණුකරන්න එන්නැති හේතුව මහේල කියයි

 
පූර්ණ කාලීන පුහුණුකරුවෙකු කටයුතු කිරීමට තමා තවමත් සූදානම් නැති බව හිටපු ක්‍රිකට් නායක මහේල ජයවර්ධන පවසා ඇතැයි වාර්තා වේ.
 
ඔහු මේ බව පවසා ඇත්තේ ‘බැංගලෝර් මිරර්’ පුවත් සේවය සමග පැවති සම්මුඛ සාකච්ඡාවකදී ය.
 
වරක් එංගලන්ත ක්‍රිකට් පාලක මණ්ඩලය සමගත් මේ වන විට මුම්බායි ඉන්ඩියන්ස් කණ්ඩායම සමගත් පුහුණුකරුවෙකු ලෙස එක්වූවත්, ශ්‍රී ලංකා ජාතික කණ්ඩායම හා පුහුණුකරුවෙකු ලෙස කටයුතු නොකරන්නේ මන්දැයි මහේල ගෙන් මෙහිදී ප්‍රශ්ණ කර තිබේ.
 
මෙම පැණයට ඔහු පිළිතුරු ලබාදී ඇත්තේ මෙලෙසයි.
 
“මං තාම ඒ වගේ දේකට ලෑස්ති නැති වීම තමයි මේකට හේතුව. එංගලන්ත ක්‍රිකට් පාලක මණ්ඩලය එක්කත් මුම්බායි ඉන්ඩියන්ස් කණ්ඩායම එක්කත් ඇතිකරගත්ත ගිවිසුම් කෙටිකාලීන ඒවා. අවුරුදු 18ක් එකදිගට ක්‍රීඩා කරලා අනිත් අතට පූර්ණ කාලීනව පුහුණුකරුවෙක් විදියට වැඩ කරන එක අමාරු දෙයක්. මේ වෙද්දි මගේ වගකීම් තියෙන්නෙ මගේ පවුල වෙනුවෙන්. එයාලා වෙනුවෙන් කාලය ලබාදෙන්න මම අනිවාර්යෙන් කටයුතු කරන්න ඕන. ශ්‍රී ලංකාව ගැන කිව්වොත් දැනටත් ඔවුන්ට පුහුණුකරුවෙක් ඉන්නවා…  කෙහොමත් පවතින ක්‍රමයෙන් ටිකක් ඈත් වෙලා ඉන්න එක වැඩිය හොඳයි කියලා හිතෙනවා.”

Leave a comment

Make sure you enter all the required information, indicated by an asterisk (*). HTML code is not allowed.

Top