15976 BM WEB BANNER 01
Jul 29, 2017

රංගනට MRI ස්කෑන් පරික්ෂාවක් ?

ශ්‍රී ලංකාව හා ඉන්දීයව අතර ගාල්ලේ පැවැත්වෙන පළමු ටෙස්ට් තරගයේ තෙවැනි දිනය අවසාන වීමට ස්වල්ප මොහොතකට පෙර රංගන හේරත්ගේ වම් අතේ මැදගිල්ල ආබාධයකට ලක්වූ අතර අතෙහි කළ එක්සෙරේ පරීක්ෂණයෙන් අස්ථි බිඳීමක් සිදුව නොමැති බව හෙළිව ඇතැයි ශ්‍රී ලංකා පිලේ කළමනාකරු අසංක ගුරුසිංහ මහතා පැවසීය.

කෙසේවුවද, ඔහුගේ අතේ වේදනාව අද (29) පෙරවරුවේද පැවැතියහොත් ඔහුව MRI ස්කෑන් පරික්ෂාවකට ලක්කරණ බවද ඔහු වැඩිදුරටත් කියා සිටියේය.

රංගනගේ 2014 දී ද අස්ථි බිඳීමකට ලක්වූ ඇඟිල්ලම මෙවරද ආබාධයකට ලක්ව තිබීමද මේ සම්බන්ධයෙන් විශේෂ අවධානය ලක් කිරීමට හේතුවී ඇත.

තරගයේ 36 වැනි පන්දුවාරයේදී විරාත් කෝලි එල්ල කළ පහරක් ෂෝට් එක්ස්ට්‍රාකවර්හි සිට නැවැත්වීමටයාමේදි හේරත් ආබාධයකට ලක්විය.

හේරත් මේවන විට ශ්‍රී ලංකා කණ්ඩායමේ නායකයා මෙන්ම කණ්ඩායමේ සිටින ජ්‍යෙෂ්ඨතම පන්දු යවන්නාද වේ.

ශ්‍රී ලංකා ටෙස්ට් කණ්ඩායමේ නායක දිනේෂ් චන්දිමාල් ආබාධයකට ලක්වීම හේතුවෙන් ශ්‍රී ලංකා කණ්ඩායමේ නායකයා ලෙස රංගන හේරත් කටයුතු කරයි.

කෙසේවුවද, මේ තරගයේ පළමු දිනයේදී ශ්‍රී ලංකා ක්‍රීඩක අසෙල ගුණරත්නද පන්දුවක් රැක ගැනීමට යාමේදී ආබාධයකට ලක්වූ අතර ඔහුට ශෛල්‍යකර්මයක්ද සිදු කෙරුණි.

Leave a comment

Make sure you enter all the required information, indicated by an asterisk (*). HTML code is not allowed.

Top