Feb 24, 2017

'කිම් ජොන් නාම් මැරුවෙ 'ලෝකෙ දරුණුම විෂ රසායනයකින්'

ක්වාලාම්පූර් අගනුවර ගුවන් තොටුපොළේදී උතුරු කොරියාවේ නායක කිම් ජොන් අන් ගේ සහෝදර කිම් ජොන් නාම් ඝාතනය කිරීම සඳහා ලෝකයේ දරුණුම විෂ රසායනයක් භාවිත කර තිබෙන බව පරීක්ෂණවලින් අනාවරණය වී ඇතැයි මැලේසියාවේ පොලිසිය පවසයි.

ජනසංහාරක අවියක් ලෙස එක්සත් ජාතීන්ගේ සංවිධානය විසින් නම් කරනු ලැබ තිබෙන "වී එක්ස්" (VX) නම් එම විෂ රසායනයේ ග්‍රෑමයකින් සියයෙන් එකකින් පුද්ගලයකු ඝාතනය කළ හැකිය.

කිම් ජොන් නාම් ට එල්ල වූ විෂ රසායන ප්‍රහාරයෙන් දින එකොළහකට පසුව ගුවන් තොටුපොළේ තවමත් විෂ රසායනයේ කොටස් ඉතිරිව තිබේදැයි සෙවීම පිණිස පරීක්ෂණයක් දියත් කළ බව මැලේසියාවේ බලධාරීහු පවසති.

සීසීටීවී දර්ශන ප්‍රකාර කිම් ජොන් නාම් ට විෂ රසායන ප්‍රහාර එල්ල කරන කාන්තාවන් දෙදෙනා අතරින් එක් කාන්තාවක් පසුව වමනය දැමූ බව ද පොලිසිය පවසයි.

(බීබීසී සංදේශය)

Leave a comment

Make sure you enter all the required information, indicated by an asterisk (*). HTML code is not allowed.

Top