15976 BM WEB BANNER 01
Nov 25, 2017

ඔක්ස්ෆර්ඩ් සර්කස් : "සැකකරුවන් හෝ තුවාලකරුවන්ගේ සලකුණක් නැහැ" - ලන්ඩන් පොලිසිය

ලන්ඩන් නුවර ඔක්ස්ෆර්ඩ් සර්කස් උමං දුම්රියපොළ අසළින් වාර්තාවූ තත්ත්වය සමනය වී ඇති අතර කිසිදු සැකකරුවෙකු හෝ තුවාලකරුවන් ගැන තොරතුරු නැති බව ලන්ඩන් නාගරික පොලිසිය කියයි.

මතුවූ තත්ත්වය හමුවේ වසා දැමුණු ඔක්ස්ෆර්ඩ් සර්කස් හා බොන්ඩ් ස්ට්‍රීට් යන දුම්රිය ස්ථාන දෙක යළි විවෘත කෙරිණි.

'වෙඩි හඬක්' ඇසුණු බවට කියවුණු තොරතුරුවලට අදාළ කිසිදු සාක්ෂියක් හමු නොවූ බව ද පොලීසිය කියා සිටියේය.

ලන්ඩන් නුවර ඔක්ස්ෆර්ඩ් සර්කස් උමං දුම්රියපොළ අසලින් වාර්තාවූ කිසියම් සිදුවීමක් හේතුවෙන් ඒ වෙත සිය නිලධාරීන් යොමු කළ බව ලන්ඩන් නාගරික පොලිසිය මීට පෙර පැවසීය.

එසේම පොලිසිය මහජනයාගෙන් ඉල්ලා සිටියේ අදාළ ප්‍රදේශයෙන් ඉවත්ව සිටින ලෙසය.

ඔක්ස්ෆර්ඩ් සර්කස් උමං දුම්රියපොළ ද පිහිටි ලන්ඩන් නුවර ඔක්ස්ෆර්ඩ් වීදිය යුරෝපයේ කාර්ය බහුල සාප්පු සවාරි ස්ථාන අතරින් එකකි.

 98899539 saroj1
සාප්පු සවාරියේ යෙදුනු පුද්ගලයින් ඇතුළුව විශාල පිරිසකගෙන් ඔක්ස්ෆර්ඩ් සර්කස් ප්‍රදේශය අද පිරී පැවතිණි.

වාර්තා වූ එම තත්ත්වය හමුවේ ඔක්ස්ෆර්ඩ් සර්කස් හා බොන්ඩ් ස්ට්‍රීට් යන උමං දුම්රියපොළ දෙක වසා දමන ලදී.

 98899541 saroj3
සිද්ධිය හටගැනීමත් සමග ප්‍රදේශයේ පුද්ගලයින් දිව යාම නිසා ඇතැමුන් තෙරපුණු බව බීබීසී වාර්තාකාරිනියක පැවසුවාය.

Report

සිද්ධිය වාර්තා වීමත් සමග ට්විටර් පණිවිඩයක් නිකුත් කළ ලන්ඩන් නාගරික පොලිසිය මහජනයාගෙන් ඉල්ලා සිටියේ ඔක්ස්ෆර්ඩ් වීදියේ තවදුරටත් රැදී සිටින්නේ නම් ගොඩනැගිල්ලක් තුළට ඇතුළුව නැවත දැනුම් දෙන තුරු එහි සිටින ලෙසය.

(බීබීසී)

 

Leave a comment

Make sure you enter all the required information, indicated by an asterisk (*). HTML code is not allowed.

Top