nsb

Dec 02, 2016

ඉන්ධන මදි යැයි ගුවන් නියමුවාට අනතුරු අඟවලා

පසුගියදා අනතුරට පත් බ්‍රසීලයේ පාපන්දු කණ්ඩායමක ක්‍රීඩකයන් පිරිසක් ගමන් ගත් ගුවන්යානයේ ඉන්ධන ප්‍රමාණවත් නොවනු ඇති බව එහි ගුවන් නියමුවාට අනතුරු අඟවා තිබී ඇතැයි වාර්තා වේ.

මේ සම්බන්ධයෙන් ගුවන්තොටුපලේ නිලධාරියෙකු අනතුරට පෙර හඬනගා තිබූ බව බොලිවියාවේ Deber පුවත්පත වාර්තා කර ඇත.

මෙම යානය අනතුරට ලක්වීමට හේතුව, එම යානයේ ඉන්ධන අවසන්වීම බව සනාථ කෙරෙන තොරතුරු ලැබී ඇතැයි බ්‍රසීල බලධාරීහු මීට කලින් පවසා තිබුණි.

මෙම ගුවන් යානය පසුගිය සඳුදා අනතුරට ලක්වූයේ කොලොම්බියාවේ මෙඩලින් නගර බලා ගමන් කරමින් සිටියදීය.

ගුවන් යානය අනතුරට ලක්වීමට පෙර ගුවන් පාලක මැදිරිය සමග කතා කළ ගුවන් නියමුවා, ඉන්ධන අවසන් වීම සහ විදුලි කාන්දුවක් පිළිබඳව දැනුවත් කර ඇති බව පරීක්ෂණයෙන් අනාවරණය වී ඇත.

ගුවන් යානය කඩාවැටීමට පැයකට කලින් කොලොම්බියාවේ බොගෝටා නුවරදී යානයට ඉන්ධන පිරවීමට නියමුවාට අවස්ථාවක් තිබූ නමුත් ඔහු එසේ කර නැති බව බලධාරීහු පවසති.

මෙම ගුවන් යානයේ හැත්තෑ හත් දෙනෙකු ගමන් කර ඇති අතර ඉන් හැත්තෑ එක් දෙනෙකු මියගිය ගිය බව බලධාරීහු නිවේදනය කළහ.

Leave a comment

Make sure you enter all the required information, indicated by an asterisk (*). HTML code is not allowed.

Top