Feb 28, 2018

ශ්‍රී දේවි අද සවස යන්නම යයි

සුපිරි භාරතීය නිළි ශ්‍රීදේවිගේ දේහය පිළිබඳ අවසන් කටයුතු අද(28) පස්වරු 3.30ට මුම්බායිහි දී හින්දු චාරිත්‍රානුකූලව සිදු කිරීමට නියමිතය. ඇගේ දේහය ඊයේ පස්වරුවේ පෞද්ගලික ජෙට් ගුවන් යානයකින් ඩුබායි සිට මුම්බායි කරා ගෙනෙනු ලැබිණි.

මේ වන විට දේහය බෙහෙත් ගැල්වීම් කටයුතු සඳහා රැගෙන ගොස් ඇති අතර එය අද පෙරවරු 9.30 සිට 12.30 දක්වා ලෝක්නද්වාලා හි පිහිටි ඇගේ නිවස අද්දර උත්සව ක්‍රීඩා සමාජ ශාලාවේ මහජන ගෞරවය සඳහා තැන්පත් කර ඇත. අද පස්වරු 2.30ට එය විලේ පාර්ලේ සේවාසමාජ් ආදාහනාගාරය වෙත ගෙන යනු ඇත.

අද දහවල් දේහය අවසන් ගෞරව සඳහා තැන්පත් කර තැබෙන අවස්ථාවේ එම ශාලාව තුළ විඩියෝ ගත කිරීම් සහ පටිගත කිරීම් සඳහා අවසර ලබා දී නොමැති බවද විදෙස් මාධ්‍ය සඳහන් කරයි.

ඇයට අවසන් ගෞරව දැක්වීම සඳහා මේ වන විට ලක්ෂ ගණනක පිරිසක් පොරකමින් සිටින බැවින් එම ජනතාව හසුරුවා ගැනීම සඳහා පොලිසියේ විශේෂ සැළසුම් ක්‍රියාත්මක කොට ඇත.

ශ්‍රීදේවිගේ අවසන් කටයුතු ඊයේ (සඳුදා) සිදු කිරිමට නියමිතව තිබුණද ඇගේ හදීසි මරණය පිළිබඳ ඩුබායි පොලීසිය සිදුකළ පරීක්ෂණ නිමා වන තුරු ඇගේ දේහය ඥාතීන්ට බාර නොදීම හේතුවෙන් අවසන් කටයුතු අද දක්වා කල් තැබීමට සිදුවිය.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top