පසුගිය 03 දා තෝක්යෝ හි දී පැවැත්වුණු 2017 ජපන් වනජීවී වාර්තා චිත්‍රපට උළෙලේ දී විශිෂ්ටතම සත්ත්ව හැසිරීම් ඇතුළත් චිත්‍රපටය ලෙස සම්මාන ලැබීමට ‘ද ග්‍රේට් එළිෆන්ට් ගැදරින් ඔෆ් ඒෂියා’ නම් චිත්‍රපටය මෙසේ සමත් විය.
දිලුම් අලගියවන්න ගේ අධ්‍යක්ෂණයක් හා නිෂ්පාදනයක් වන මෙම චිත්‍රපටය, මින්නේරියේ අලි රංචු රැස්වීම සම්බන්ධයෙන් තැනුනකි.
රටවල් රැසකින් නිර්මාණය වූ චිත්‍රපට 208 කින් තෝරාගත් නිර්මාණ 31 අතරින් මෙම චිත්‍රපටය ජයග්‍රහණය කරගෙන තිබේ.
