ඇගේ මව් භාෂාව වන හින්දි භාෂාව මෙන්ම දක්ෂ ලෙස සිංහල භාෂාව ද හොඳින් හැසිරවීමේ නිසඟ හැකියාවක් ඇය සතුයි.  විවාහයත් සමග ලංකාවට එන ඇය විවාහ වෙලා ඉන්නේ හිටපු ලංකා රගර් නායක ප්‍රදීප් බස්නායක සමගයි. ඒ වගේම ඇයට ලොකු පුතෙක් ඉන්නවා.

ලංකාවේ ගෙවන ජීවිතේ ගැන ඇය කියන්නේ මේ වගේ කතාවක්.

" මගේ අම්මයි තාත්තයි දෙන්නම ඉන්දියානු ජාතිකයන්. මට ලංකාවේ වගේම ඉන්දියාවෙන් පුරවැසිභාවය තියෙනවා. ඒත් දැන් මම පදිංචි වෙලා ඉන්නේ නම් ලංකාවේ. ඒත් මගේ සහෝදර සහෝදරියන් ඉන්නේ ඉන්දියාවේ. ඒ නිසා නිතරම මම ඉන්දියාවට ගිහින් පවුලේ අයගේ සැප දුක බලලා එනවා. රංගනය මගේ වෘත්තීය නොවුණත් මම රංගනයට ගොඩාක් ආදරේ කරන කෙනෙක්. නිදහස ලැබෙන හැම වෙලාවේම කලාව වෙනුවෙන් යමක් කරන්න කැමැතියි".