Sathosa

Jul 19, 2018

කුඹුරු කාටූන් (ඡායා)

සෑම වසරකදීම ජපානයේ ඉනකඩතෙ ග්‍රාමයේ කුඹුරු දර්ශනීය රූප මවයි.

මෙම වසරේදී, සංකීර්ණ කුඹුරු චිත්‍රය නවෝත්පාදක 'මැන්ගා' චිත්‍ර ශිල්පී, තෙසුකා ඔසාමුගේ (Osamu Tezuka) 90 වෙනි ජන්ම සංවත්සරය සැමරීම වෙනුවෙන් නිර්මාණය කර තිබේ.

මෙම සුවිශාල කුඹුරු චිත්‍රය නිර්මාණය කර ඇත්තේ වර්ණ නවයක වී වර්ග උපයෝගී කර ගනිමිනි.

තෙසුකා ශිල්පියාගේ බොහෝ ජනප්‍රිය කාටූන් චරිත මෙමගින් පිළිබිඹු කරඇත.

'මැන්ගා' යන ජපන් වචනය කොමික් චිත්‍ර සහ කාටූන හැඳින්වීම සඳහා භාවිත කරයි.

තෙසුකා ඔසාමු මෙම කලා ශිල්පයෙහි ඉතා කැපී පෙනෙන සහ නව්‍යෝත්පාදක චිත්‍ර ශිල්පියෙකු මෙන්ම සජීවීකරණ ශිල්පියෙකු සහ චිත්‍රපට නිෂ්පාදකයෙකු ලෙස සැලකේ.

එබැවින්, ඔහු මෙම කලාවේ පියාණන් ලෙස විරුදාවලී ලබා ඇති අතර ජපන් ජාතිකයන් නිරන්තරයෙන් ඔහු වෝල්ට් ඩිස්නිට සමාන කර හඳුන්වති.

වයස අවුරුදු 19 දී වෛද්‍ය ශිෂ්‍යයෙකුව සිටියදී 1947 දී ප්‍රසිද්ධ කරන ලද 'නිව් ට්‍රෙශර් අයිලන්ඩ්' සඳහා දැක්වූ නිර්මාණශීලී දායකත්වය ඔහුගේ දොරට වැඩුම ලෙස සැලකේ.

ඉන් අනතුරුව දිගු කල් පවත්නා 'මැන්ගා' ඔහු අතින් නිර්මාණය විය. ඒ අතර 'Astro Boy', 'Princess Knight' සහ 'Jungle Emperor Leo' විශේෂය.

තෙසුකා ඔසාමු, 1989 දී උදරයේ ඇතිවූ පිලිකාවකින් මිය ගියේය. ඔහුගේ මරණය පොදුවේ ජපාන මහජනයාට සහ මැන්ගා ශිල්පීන්ට විශාල බලපෑමක් විය.

මෙම විවිධ වර්ගයේ ගොයම් පැල සිටුවන ලද්දේ පසුගිය ජුනි මාසයේදීය. ඒවා වර්ධනයත් සමග කුඹුරු චිත්‍ර පරිවර්තනය ආරම්භ විය.

ඉනකඩතෙ ගම්වාසීන් තම කුඹුරුවල දර්ශන දිනපතා සජීවී ලෙස අන්තර්ජාලයට මුදාහරින ලදී.

(බීබීසී සංදේශය)






 


Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top