Dec 24, 2016

ස්ටාර් වෝස් හි ලියා කුමරියට හෘදයාබාධයක්

ස්ටාර් වෝස් චිත්‍රපට මාලාවේ ‘ලියා’ කුමරියගේ චරිතයට පණපොවමින් සුවහසක් ජනතාවගේ ආදරයට පාත්‍ර වූ හොලිවුඩු නිළියක් වන කැරී ෆිෂර් ට හෘදයාබාධයක් වැළඳී ඇතැයි වාර්තා වේ.

මේ වන විට 60 වියේ පසුවන ෆිෂර්, මෙලෙස අසනීප වූයේ ලන්ඩනයේ සිට ලොස් ඇන්ජලිස් නුවර දක්වා ගමන් කරමින් සිටි ගුවන් යානයකදීය. යානය ලොස් ඇන්ජලිස් නුවරට ගොඩබෑමට විනාඩි 15ක් පමණ තිබියදී ෆිෂර් ට හෘදයාබාධය වැළඳුනු බවත් ඇයට වහාම ප්‍රථමාධාර දුන් බවත් විදෙස් වාර්තා වල දැක්වේ.

මෙහිදී ඇයගේ හෘදස්පන්දනය යළි ලබාගැනීමට විනාඩි 15ක් පමණ ගත වී ඇති බව පැවසේ.

යානය ගොඩබිම නැවැත්වූ වහාම ඇයව රෝහල්ගත කර ඇති බවත් ඇය මේ වන විට දැඩි සත්කාර ඒකක ප්‍රතිකාර ලබන බවත් ඒජන්සි වාර්තා වැඩිදුරටත් සඳහන් කරයි.

සිය නවතම ග්‍රන්ථය වන ‘ද ප්‍රින්සස් ඩයරිස්ට්’ ප්‍රවර්ධනය කිරීමට ඇය ලන්ඩනය බලාගොස් තිබුණි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top