Dec 03, 2018

මිෂෙල් ඔබාමා ගේ පොත දින 15න් වාර්තා තියයි!

ඇමෙරිකාවේ හිටපු ජනපති ආර්යාව වන මිෂෙල් ඔබාමා විසින් රචිත 'බිකමින්' නම් නිබන්ධනය එළිදක්වා දින 15ක් ඇතුළත එරට අලෙවි වාර්තා බිඳහෙළා ඇති බව වාර්තා වේ.

NPD BookScan සමාගමේ දත්ත වලට අනුව, ඇමෙරිකාව හා කැනඩාව තුළ පමණක් මේ වන විට මෙහි පිටපත් මිලියන දෙකකට වඩා අලෙවි වී ඇති අතර, මෙම දත්ත පෙන්ග්වින් රැන්ඩම් ප්‍රකාශන සමාගම විසින් පසුගිය සිකුරාදා හෙළිදරව් කර තිබේ.

ඉන් අමතරව, මෙම නිබන්ධනය ඕස්ට්‍රේලියාව, බ්‍රිතාන්‍යය, ප්‍රංශය, ජර්මනිය, කොරියාව හා දකුණු අප්‍රිකාව ඇතුළු රටවල් ගණනාවක අධිසාර්ථක ලෙස අලෙවි වන කෘතියක් බවට පත්වී ඇත.

ධවල මන්දිරයට පැමිණීමට පෙර, එහි සිටියදී හා ධවල මන්දිරයෙන් නික්ම යාමෙන් පසුව ඔබාමා පවුලේ පෞද්ගලික ජීවිතය පිළිබඳව කරුණු රැසක් මෙම කෘතියේ ඇතුළත් වේ.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top