Jan 21, 2019

සෝරත හිමි කොටු කළ දෙරණ ගිවිසුම : රුපියල් 20කට විකුණුන හැටි

මේ දිනවල ජනප්‍රියම ළමා නළුවා බවට පත්ව සිටින සිඳූ ටෙලි නාට්‍යයේ සෝරත පොඩිනමගේ චරිතය රඟන කවීෂ් විහඟට වෙනත් ටෙලිනාට්‍යවලට සම්බන්ධවීමට නොහැකි වන ලෙස දෙරණ නාලිකාව ගිවිසුමකට යටත්කර ඇතැයි වාර්තා වේ.

කවීෂ්ගේ දෙමාපියන් විසින් අදාළ තොරතුරු ඉරිදා ලක්බිම පුවත්පතට පවසා තිබේ.

දරුවාගේ අධ්‍යාපන කටයුතු අවසන් කර තවත්, නිර්මාණයක් සඳහා දායකවීම වඩාත් හොඳබවට තීරණය කළ නිසා දෙරණේ මේ ගිවිසුමට තමන්ද එකඟ වූ බව කවීෂ්ගේ දෙමාපියන් පවසා ඇත.

මේවන විට එම ටෙලිනාටයේ කොටස් 650කට ආසන්න ප්‍රමාණයක් දෙරණ නාලිකාව ඔස්සේ විකාශය වී තිබේ.

රුපියල් 20කට විකිණිලා

කවීෂ, සොරත හිමිට ඇඳල සිවුරදාගෙන සිටින ජායාරූප කැලැන්ඩර් හා කීටැග් වැනි දේ නිර්මාණය කර ඇති බවත්, ෆේස්බුක් සමාජ ජාලය තුළ එවැනි ඡායාරූප යොදා සෝරත හිමි රුපියල් 20කට විකිණිලා වැනි වදන් යොදා පෝස්ට් දමා තිබූ බව ඇගේ දෙමාපියන් ලක්බිමට පවසා තිබේ.

එසේම, ඇතැමුන් දුරකථන ඇමතුම් දී බැන වැදුනු බවද ඔවුන් හෙළිකර ඇත.

කවීෂගේ අධ්‍යාපන වියදම් සිරසට සම්බන්ධ අයගෙන්

මේ අතර, කවීෂට උදව් කරන අමතක කළ නොහැකිම පිරිසක් සම්බන්ධයෙන්ද ඔවුන් හෙළිකර ඇති අතර, ඔවුන් එසේ හෙළිකර ඇත්තේ සිරස රූපවාහිනියේ විකාශය වූ “පාන් බට්ටා” ටෙලි නාට්‍යයේ පාන් බට්ටා ලෙස රංගනයෙන් දායකවූ ළමා නළුවාගේ මව වන සනාරා පෙරේරා ඇතුළු පවුලේ අයයි.

සිය දරුවා කොළඹ ශා.පීතර විදුහලට ඇතුළත්කර ගැනීමට උදව් කළේද ඔවුන් බව පවසා ඇති කවීෂ්ගේ දෙමාපියන් දැන් ඔහුගේ අධ්‍යාපන වියදම් සියල්ල දරන්නේද ඩුබායි හි පදිංචි ඔවුන් බව හෙළිකර තිබේ.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top