May 18, 2019

ලොවට සිනහ ගෙනා ‘ග්‍රම්පි කැට්’ මියයයි

නැතැතින්ම රවාගෙන සිටින මුහුණුවරක් හේතුවෙන් අන්තර්ජාලයේ තරුවක් වූ ‘ග්‍රම්පි කැට්’ නම් බැළලිය මියගොස් ඇතැයි වාර්තා වේ.

අන්තර්ජාලයේ ‘ග්‍රම්පි කැට්’ ලෙස හැඳින්වුනද, ඇගේ සත්‍ය නම ටාඩර් සෝස් ය.

සත්වියේ පසුවූ ටාඩර්, මුත්‍රාශයේ ආසාදනයක් හේතුවෙන් මියගොස් ඇතැයි වාර්තා වේ.

ඇමෙරිකාවේ ඇරිසෝනා ප්‍රාන්තයේ ටබිතා බන්ඩසෙන් පවසන්නේ සිය සුරතලා වූ ටාඩර් ගේ රැවුම් මුහුණට හේතුව කුරුබව හා යටි ඇන්දේ දත් වඩාත් ඉදිරියට නෙරා තිබීම බවයි.

රැවුම් මුහුණකින් වුවත්, ලොවපුරා ලක්ෂ සංඛ්‍යාත ජනගහනයක මුහුණු වෙත සිනහවක් ගෙන ඒමට ටාඩර් සමත් විය.

ටාඩර් ගේ ජනප්‍රියත්වයත් සමගම ලොවපුරා රූපවාහිනී වැඩසටහන් වල ඇය තරුවක් වූ අතර, 2015දී සැන් ෆ්‍රැන්සිස්කෝ හි පිහිටි මැඩම් ටුසාඩ් කෞතුකාගරයේ ඇගේ ඉටි රුවක් පවා එළිදැක්වුණි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top