Sathosa

Mar 31, 2017

සෝනු, සචින් අළුත් වැඩක?

මෑතකදී ක්‍රිකට් ක්ෂේත්‍රයේ හා ඉන්දීය සංගීත ක්ෂේත්‍රයේ දැවැන්තයන් දෙදෙනෙකු වන සෝනු නිගම් හා සචින් ටෙන්ඩුල්කාර් අළුත් වැඩකට අතගැසීමට නියමිත බවට රාවයක් පැතිර ගොස් තිබේ.

මෙම රාවයට මූලික වී ඇත්තේ අන්තර්ජාලයේ පැතිරගිය ඡායාරූපයක් හේතුවෙනි.

මෙම ඡායාරූපයේ සිටින්නේ පිටුපසට හැරී සිටින සෝනු හා සචින් ය. සචින් අත මයික්‍රොෆෝනයක් හා සෝනු අත ක්‍රිකට් පිත්තක් ද ඇති මෙම ඡායාරූපය ට්විටර් සමාජ ජාල වෙබ් අඩවිය ඔස්සේ මහත් ආන්දෝලයට ලක්විය.

කෙසේවෙතත්, මෙම ඡායාරූපය පසුපස ඇති රහස පිළිබඳව dnaindia.com වෙබ් අඩවිය වාර්තා කරන ඇත්තේ මෙසේය.

ඉදිරියේදී එළිදක්වනු ලබන ටෙන්ඩුල්කාර් ගේ ජීවිතය ඇසුරෙන් තැනුනු  'Sachin A Billion Dreams' චිත්‍රපටය වෙනුවෙන් ගීතයක් සෝනු විසින් ගායනා කර තිබේ. මෙම චිත්‍රපටයේ තමා ලෙසම සචින් පෙනී සිටිනු ඇති අතර, එහි පූර්ව ප්‍රචාරක පටයක් ඉදිරි සති කිහිපයේදී එළිදැක්වීමට නියමිතය.

 

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top