කවි 38කින් සමන්විත ‘සුළඟට අවනතව’ කෘතිය ‘සම’ ප්‍රකාශනයකි. වරුණ සාවින්ද විසින් එහි කවරය නිමැවී ඇත.
විසි වසරකට පෙර, 1997දී, ‘නිරුත්තර සමාධිය’ නමින් සිය මිත්‍ර ෂේන් මැකෙල්වි සමඟින් පළමු කවි නිකුත් කළ පසු ඔහු පිළිවෙලින් 2002 හා 2007 දී ‘පිළිහුඩුවී’ සහ ‘මධු සඳිනි මධුවිත’ පළ කළේ ය.
2010 වසරේ පළ ‘මාතෘතාවක් නැති මාතෘභූමිය හෙවත් දෙමළ කවි කෘතිය 2013 දී දෙමළ භාෂවට පරිවර්ථනය කෙරුණි.
පරිවර්ථකයන් වූයේ ප්‍රකට දෙමළ භාෂීය කවීන් දෙදෙනෙකු වන එම්. රිෂාන් ෂරීෆ් සහ ෆහීමා ජහාන් ය.
ඉන් පසු මංජුල ‘ඇහැළ ඇමතුමකට ඇහැරෙමි’ (2012) සහ ‘නිදි නැති නිර්මල ඇසක අගිස්සක කඳුළක’ (2014) පළ කෙරුණි.
2015 ඔහු විසින් පළකෙරුණු ‘පිටුවහල් පිටු’ ඔහුගේ 7වැනි කාව්‍ය සංග්‍රහය වූ අතර ඔහු විසින් ම ගනු ලැබුණු ඡායාරූප හා සුසංයෝග කරමින් නිමැවුණු එම කවි ඇතුළත් කෘතිය ද්විභාෂිත කෘතියකි.
මංජුලගේ කවි ඉංග්‍රීසියට නඟන ලද්දේ කිවිඳියක හා ප්‍රවීන පරිවර්ථිකාවක වන දිලිනි ඊරියවල විසිනි.
‘ශුද්ධ වූ ජුදාස්’ :
මෙම කාව්‍ය කෘතිය සමඟම මංජුල විසින් 2011 වසරේ නිකුත් කෙරුනු ‘ශුද්ධ වූ ජුදාස්’ කෙටිකතා සංග්‍රහයේ 2වැනි මුද්‍රණය ද නිකුත් වී තිබේ. එය ‘අහස’ ප්‍රකාශනයකි. කවර නිර්මාණය කේ.ඩබ්. ජනරංජන විසිනි.
2000 වසරේදී ‘මේරි නම් වූ මරියා’ කෙටිකතා කෘතිය කතෝලික පල්ලියේ සහ සංස්කෘතිය අමාත්‍යංශයේ මැදිහත්වීම මත වාරණය කෙරුණි.
මංජුල විසින් 2016 වසරේ පළකෙරුණු ‘දුස්ටකමේ සවුන්දර්ය සහ රත්මලානේ තවත් කතා’ සහෘද විචාරක අවධානට පාත්‍ර වූ කෘතියක් විය