පුවත්

ආනයනික පොල්තෙල් බද්ද සීනි බදු වංචාවේ පාර්ට් ටූ?

Published

1 year ago

July 26, 2023

editor

මුදල් රාජ්‍ය ඇමති රංජිත් සියඹලාපිටිය මහතා විසින් දේශීය පොල්තෙල් නිෂ්පාදකයින් ආරක්ෂා කරගැනීම වෙනුවෙන් ආනයනික පොල්තෙල් සඳහා රුපියල් 25ක බද්දක් පනවන බවට කලින් දැනුම්දීම සම්බන්ධයෙන් මේවන විට විශාල ආන්දෝලනයක් ඇතිව තිබේ.

ඒ බදු වැඩි කිරීම සම්බන්ධයෙන් කලින් ප්‍රකාශ කිරීම තුළින් දේශීය පොල්තෙල් නිෂ්පාදකයා හෝ පාරිභ‌ෝගිකයා ඉන් ආරක්ෂා නොවන තත්ත්වයක් නිසාය.

මේ වන විටද ආනයනික පොල්තෙල් සඳහා රුපියල් 15/- ක විශේෂ තීරු බද්දක් අයකරනු ලබයි.

කෙසේවුවද, රංජිත් සියඹලාපිටිය මහතා මේ ප්‍රකාශය කර ඇත්තේ ද‌ේශීය වෙළඳ පොළට නිකුත් කිරීම සඳහා ආනයනය කරන ලද පොල්තෙල් ටොන් දහදාහකට ආසන්න ප්‍රමාණයක් බන්ධිත ගුදම්වල තිබියදී බවද‌ මේ වන විට තොරතුරු අනාවරණය වී තිබේ.

ඒ අනුව බන්ධිත ගුදම්වල ඇති දේශීය වෙළඳ පොළට නිකුත් කිරීමට නියමිත පොල්තෙල් රුපියල් 15/- පරණ බදු යටතේ ඔවුන්ට නිදහස් කිරීමට අවස්ථාව උදාවෙන අතර ඉන් රජයට රුපියල් බිලියන 2ක පමණ බදු ආදායමක් නැතිවී යන බව ආර්ථික විශ‌ේෂඥයින්ගේ මතය වේ.

මේ අතර, ඉකුත් සති කිහිපයේ පොල්තේල් කිල‌ෝවක මිල රුපියල් 40කින් පමණ පහල ගොස් තිබිණි.

ඒ ඩොලරය‌ේ අගය අඩුවීම නිසා වන අතර පසුගිය සතියේ පොල්තෙල් කිලෝවක මිල සටහන්ව තිබුණ‌ේ රුපියල් 535/- ක් ලෙසය.

කෙසේවුවද, ඇමරිකානු ඩොලරය රුපියල් 302 සිට 333 පමණ දක්වා නැවත ඉහලයාමත් සමඟ මේවන විට පොල්තෙල් කිලෝවක මිල රුපියල් 565ක් පමණ දක්වා ඉහල ගොස් තිබේ.

දැනට ලංකාවට පොල්තෙල් හා පාම් ඔයිල් ආනයනයේදී වරායේදී බදු නොගෙවන අතර ඒ්වා බන්ධිත ගුදම්වල තැන්පත් කර තබා ඒවා වරින්වර නිදහසස් කිරීමේදී බදු ගෙවීම සිදුකරනු ලබයි.

මේ තත්ත්වය හේතුවෙන් රජයට ආනයනික පොල්තෙල් බදු වලින් බදු අයකර ගැනීමට සිදුව ඇත්තේද වරින්වරය.

ආනයනික පොල්තෙල් බන්ධිත ගුදම් පවත්වාගනෙ යන සමාගම් සම්බන්ධයෙන් ශ්‍රී ලංකා මිරර් අප කළ විමසීමකදී ඒ්ෂියන් සමාගම, නාරද ඇග්‍රෝ හා පිරමිඩ් විල්මා යන සමාගම් මෙසේ බන්ධිත පොල්තෙල් ගුදම් පවත්වාගෙන යන බව කියා සිටියේය.

මේ අතර, ආනයනික පොල්තෙල් බදු වැඩි කිරීමෙන් මෙරට පාරිභ‌ෝගිකයන්ට කිසිදු සහනයක් අත්නොවන බව පාරිභ‌ෝගික අයිතීන් සුරැකීමේ ජාතික ව්‍යාපාරය කියා සිටී.

ඊයේ (25) මාධ්‍ය සාකච්ඡාවක් පවත්වමින් එම සංවිධානයේ සහාපති රංජිත් විතානගේ මහතා කියා සිටියේය.

පුවත්

UNPය හා එකතුවීමට SJB කෘත්‍යාධිකාරියේ අනුමැතිය

Published

6 hours ago

January 16, 2025

editor

එක්සත් ජාතික පක්ෂය සමග එක්ව කටයුතු කිරීම සඳහා සාකච්ඡා කිරීමේ යෝජනාවට සමගි ජන බලවේගය කෘත්‍යාධිකාරී මණ්ඩලයේ අනුමැතිය හිමිව ඇත.

ඒ අනුව මෙම සාකච්ඡා සඳහා සමගි ජන බලවේගය මහලේකම් රංජිත් මද්දුම බණ්ඩාර මහතාගේ ප්‍රධානත්වයෙන් යුත් 5 දෙනෙකුගෙන් යුත් කමිටුවක් පත් කර තිබේ.

පුවත්

‘ලංකාවේ ස්වාධීනත්වය, භෞමික අඛණ්ඩතාව හා ස්වෛරීත්වය වෙනුවෙන් චීනය කැපවී සිටිනවා’

Published

6 hours ago

January 16, 2025

editor

ශ්‍රී ලංකාවේ ස්වාධීනත්වය, භෞමික අඛණ්ඩතාව සහ ස්වෛරීභාවය වෙනුවෙන් චීනය කැපවී සිටින බව චීන ජාතික මහජන කොංග්‍රසයේ ස්ථාවර කමිටුවේ සභාපති ජාඕ ලජී (Zhao Leji) මහතා පැවසීය.

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා සහ චීන ජාතික මහජන කොංග්‍රසයේ ස්ථාවර කමිටුවේ සභාපති ජාඕ ලජී මහතා අතර හමුව අද (16) පෙරවරුවේ සිදු කෙරුණු අතර එහිදී ඔහු මේ බව ප්‍රකාශ කළේය.

මෙහිදී සභාපතිවරයා විසින් ජනාධිපති අනුර කුමාර දිසානායක මහතාව ඉතා මිත්‍රශීලිව පිළිගනු ලැබීය.

වැඩිදුරටත් අදහස් දැක්වූ ජාඕ ලජී මහතා සඳහන් කළේ ශ්‍රී ලංකාව සමඟ අඛණ්ඩ සහයෝගයෙන් කටයුතු කිරීම චීන ජාතික කොංග්‍රසයේ අපේක්ෂාව බවයි.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහන, මහා මාර්ග, වරාය හා සිවිල් ගුවන් සේවා අමාත්‍ය බිමල් රත්නායක, ශ්‍රී ලංකාවේ චීන තානාපති චී ජන්හොං, චීනයේ ශ්‍රී ලංකා තානාපති මජින්ත ජයසිංහ යන මහත්වරුද මෙම අවස්ථාවට සහභාගි වූහ.

(ජනාධිපති මාධ්‍ය අංශය)

පුවත්

ජනපති සුප්‍රකට චීන සමාගම් සමඟ විශේෂ සාකච්ඡා (ඡායා)

Published

7 hours ago

January 16, 2025

editor

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා රාජ්‍ය හා පෞද්ගලික සමාගම් එක්ව සංවිධානය කර තිබූ ආයෝජන සැසියට එක්වීමෙන් අනතුරුව චීනයේ ප්‍රමුඛ පෙළේ ආයෝජන සමාගම් කිහිපයක් සමඟ විශේෂ සාකච්ඡා වාර කිහිපයක් ද පැවැත්විය.

ඒ අනුව, චයිනා සන්නිවේදන ඉදිකිරීම් සමාගම සීමාසහිත (China Communications Construction Company Ltd), චයිනා පෙට්රොකෙමිකල් සංස්ථාව (China Petrochemical Corporation -SINOPEC Group), සීමාසහිත මෙටලර්ජිකල් කෝපරේෂන් ඔෆ් චයිනා සමාගම (Metallurgical Corporation of China Ltd), හුවාවි (Huawei), බී.වයි.ඩී (BYD Auto) යන චීනයේ ප්‍රමුඛ සමාගම් සමඟ විශේෂ සාකච්ඡා සිදු කරන ලදී.

ශ්‍රී ලංකාවේ පවතින ආයෝජන අවස්ථා පිළිබඳ චීන ප්‍රමුඛ පෙළේ ආයෝජන සමාගම් දැනුම්වත් කළ ජනාධිපතිවරයා රජයක් ලෙස ආයෝජකයින්ට සියලු පහසුකම් ලබා දීමට කටයුතු කරන බවද සඳහන් කළේය.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහනය , මහා මාර්ග, වරාය සහ සිවිල් ගුවන් සේවා අමාත්‍ය බිමල් රත්නායක යන මහත්වරු ද මෙම අවස්ථාවට එක්ව සිටියහ.

(ජනාධිපති මාධ්‍ය අංශය)