Connect with us

ව්‍යාපාර

ආනයනික හාල් වලට පැනවූ වෙළඳ බද්ද රුපියලට බස්සයි

Published

on

ආනයනික සහල් කිලෝවක් සඳහා පනවා තිබූ විශේෂ වෙළඳ භාණ්ඩ බද්ද රුපියල දක්වා අඩුකර තිබේ.

මීට පෙර ආනයනික සහල් කිලෝවක් සඳහා වූ විශේෂ වෙළඳ භාණ්ඩ බද්ද පැවතියේ රුපියල් 65ක් වශයෙනි.

මුදල් අමාත්‍යාංශය විසින් ඒ සම්බන්ධයෙන් අතිවිශේෂ ගැසට් නිවේදනයක් නිකුත් කර ඇති අතර, එහි සඳහන් වන්නේ අදාළ තීරණය ජනවාරි 02දා – 21දා දක්වා ක්‍රියාත්මක වන බවය.

ව්‍යාපාර

වාහන ආනයනය ගැන තීරණයක්

Published

on

By

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන ආනයනය තවදුරටත් වසා තබාගෙන සිටීමට රජය සූදානම් නොමැති බවය.

මේ වනවිට මෙරට සංචිත ප්‍රමාණය අමෙරිකානු ඩොලර් බිලයන 5.5ක ප්‍රමාණයක් ඇති බවද මුදල් රාජ්‍ය අමාත්‍ය රංජිත් සියඹලාපිටිය මහතා වැඩිදුරටත් පැවසීය.

“වාහන ආනයනය කිරීම සම්බන්ධව… අපිට රටේ ඇති වුණ ප්‍රශ්නය විසඳගන්න, එක ඩොලර් එකක්වත් අපි ළඟ නැති තත්ත්වයකට පත් වුණානේ.  ඒ නිසා අපිට ආනයනයන් දෙදාහක් නවත්තන්න වුණා. එච්එස් කෝඩ් 2000කට ආසන්න ප්‍රමාණයක්. ඉතින් අපි දැන් අනිත් සියල්ලම විවෘත කළා. දැන් ඉතුරුවෙලා තියෙන්නේ වාහන පමණයි. ඒවත් අවශ්‍යතාවය මත ගේන්න ඉඩ දෙනවා. සංචාරක කර්මාන්තයට අපි වැඩපිළිවෙළක් යොදලා තියෙනවා. අවශ්‍ය පරිදි වාහන ගේන්න අනුමැතියක් ඇතිව. එකෙන් දෙන පණිවූඩය මොකක්ද? අපිට මේක වහගෙන ඉන්න අවශ්‍ය නැහැ. හැබැයි අපිට අවශ්‍යයි රට නැවත අර වාගේ හිරවෙන්නේ නැතුව ඉස්සරහට ගෙනියන්න. දැන් අපි ඩොලර් බිලයන 5.5ක සංචිතයක් තියාගෙන ඉන්නවා. අපිට ගැලපෙන පරිදි, රටේ අවශ්‍යතාවය පරිදි, ඒක කරන්න අපි සූදානම්.”

Continue Reading

ව්‍යාපාර

PhonePe UPI ගෙවීම් ලංකාවේ දියත් කෙරේ

Published

on

By

ශ්‍රී ලංකාවේ UPI සේවාවන්ට තවදුරටත් ජවය ලබාදෙමින් 2024 මැයි 15 වන දින PhonePe හා LankaPay හවුල්කාරීත්වයෙන් PhonePe UPI ගෙවීම් ශ්‍රී ලංකාවේ දියත් කරන ලදී. 

ඉන්දියාවේ ප්‍රමුඛතම ඩිජිටල් පසුම්බි සහ ගෙවීම් යෙදුම වන මෙය ශ්‍රී ලංකාවේ සමාරම්භ කිරීමේ අවස්ථාවට ඉන්දීය මහ කොමසාරිස් සන්තෝෂ් ජා මහතා සහ ශ්‍රී ලංකා මහ බැංකු අධිපති ආචාර්ය පී. නන්දලාල් මහතා සහභාගී වූ අතර ඒ සඳහා බැංකු ක්ෂේත්‍රයේ විධායක නිලධාරීන්, ගෙවීම් පද්ධති සම්පාදකයන්, ව්‍යාපාරික ආයතන සහ මාධ්‍ය ආයතන රැසක් ද සහභාගී වූහ.

මෙම අවස්ථාව අමතමින් මහ කොමසාරිස් ජා මහතා හුරු පුරුදු ඩිජිටල් ගෙවීම් පද්ධතීන් භාවිතා කිරීමේ පහසුව ශ්‍රී ලංකාව වෙත පැමිණීමට ඉන්දීය සංචාරකයන් තවදුරටත් දිරිගන්වනු ඇති බව සඳහන් කළේය. 

හෝටල් සහ කැබ් සේවා වෙන් කිරීමේ සහ භාණ්ඩ ගෙන්වා ගැනීමේ නව්‍යකරණයන් සඳහා UPI ස්ටැක් යොදාගැනීම සඳහා ඉන්දීය සමාගම් සමඟ සම්බන්ධ වී තටයුතු කරන ලෙස ඒ මහතා ශ්‍රී ලංකාවේ සමාගම්වලින් ඉල්ලා සිටියේය.

අග්‍රාමත්‍ය ශ්‍රී නරේන්ද්‍ර මෝදි මහතා සහ ජනාධිපති රනිල් වික්‍රමසිංහ මහතා විසින් 2024 පෙබරවාරි 12 වන දින LankaPay සමඟ සහයෝගීතාවයෙන් ඒකාබද්ධ ගෙවීම් අතුරු මුහුණත (UPI) සේවාවන් ශ්‍රී ලංකාවේ දියත් කරන ලදී. 

2023 ජූලි මාසයේ ජනාධිපති රනිල් වික්‍රමසිංහ මැතිතුමාගේ ඉන්දීය සංචාරය අතරතුරදී ප්‍රකාශයට පත් කරන ලද දැක්ම ලේඛනය පිළිබඳ අදහස් දක්වමින් අග්‍රාමාත්‍ය මෝදි මහතා මූල්‍ය සම්බන්ධකතාවය ශක්තිමත් කිරීම එහි ප්‍රධාන ලක්ෂණයක් වන බව සඳහන් කළේය.

ශ්‍රී ලංකාවේ එම සේවාව ආරම්භයේ සිට ගනුදෙනු 6000කට අධික සංඛ්‍යාවක් සිදු කර ඇති අතර ඒවායේ වටිනාකම ශ්‍රී ලංකා රුපියල් මිලියන 240කට අධිකය. PhonePe UPI දියත් කිරීම ශ්‍රී ලංකාවේ ප්‍රමුඛතම ටැක්සි සේවාවක් සහ ආහාර ගෙන්වා ගැනීමේ යෙදුමක් වන PickMe වැනි අමතර සබඳතා ඇතුළුව දැනට පවත්නා මූල්‍ය තාක්ෂණ සම්බන්ධකතාවය තවදුරටත් ඉහළ නංවනු ඇති බවට අපේක්ෂා කෙරේ.ඩිජිටල් ක්ෂේත්‍රය තුළ සබඳතා පුළුල් කිරීම ජනතාව අතර සබඳතාවයට ද ශක්තිය ලබා දෙන අතර එය දෙරට ජනතාවගේ අභිලාෂයන් සහ අපේක්ෂාවන්ට සමගාමීව තාක්ෂණයේ නව සහ නැඟීඑන අංශවල ඉන්දියා – ශ්‍රී ලංකා හවුල්කාරීත්වයට දිදුලන නිදසුනක් ද වේ.

Continue Reading

පුවත්

මහ බැංකු අධිපති හා අමෙරිකානු තානාපතිනිය අතර හමුවක්

Published

on

By

මහ බැංකු අධිපති ආචාර්ය නන්දලාල් වීරසිංහ මහතා සහ මෙරට අමෙරිකානු තානාපති ජුලී චන්ග් මහත්මිය අතර හමුවක් සිදුව තිබේ.

අමෙරිකානු තානාපති කාර්යාලයේ දී ඊයේ (10) මෙම හමුව සිදුව ඇති බව සඳහන්ය.

X සමාජ මධ්‍යයේ ඔස්සේ සටහනක් තබමින් අමෙරිකානු තානාපතිවරිය පවසා ඇත්තේ එහිදී දෙරට අතර ද්විපාර්ශ්වික සබඳතා, ණය ප්‍රතිව්‍යුහගත කිරීම සහ දැනට ක්‍රියාත්මක ප්‍රතිසංස්කරණ පිළිබඳව දීර්ඝ වශයෙන් සාකච්ඡා වූ බවය.

ශ්‍රී ලංකාවේ ශක්තිමත් ආර්ථිකයක් ගොඩනැගීම සඳහා අමෙරිකා එක්සත් ජනපදය අඛණ්ඩව සහාය දක්වන බවද මහ බැංකු අධිපති ආචාර්ය නන්දලාල් මහතා වෙත දැනුම් දුන් බව ජුලී චන්ග් මහත්මිය විසින් වැඩිදුරටත් පවසන ලදී.

Continue Reading
Advertisement

Trending

Copyright © 2023 Sri Lanka Mirror. All Rights Reserved