Connect with us

පුවත්

ඇමෙරිකානු ඩොලර්  මිලියන 3ක් ලාභ ලැබූ ශ්‍රීලංකන් ඉන්දියන් ටාටාට දෙන්න යයි

Published

on

වසර 2022-23 මූල්‍ය වර්ෂයේදී ඩොලර් මිලියන 3 ක ශුද්ධ ලාභයක් වාර්තා කර ඇති ශ්‍රීලංකන් ගුවන් සමාගම ඉන්දියාවේ ‘ටාටා සමාගම’ට පැවරීමට ආණ්ඩුවේ ප්‍රධානීන් අතර සාකච්ඡාවක් ඇති බව වාර්තා වේ.

ඉන්දියාවේ දැවැන්තම ව්‍යාපාර සමූහයක් වන ‘ටාටා සමාගම’ එයාර් ඉන්දියා සමාගම ඇතුළු ගුවන් සමාගම් කීපයක මේ වන විටත්  ව්‍යාපාර කටයුතු පවත්වාගෙන යන සමාගමකි.

කෙසේවුවද, ආණ්ඩුව පවසන්නේ ශ්‍රී ලංකාවේ පාඩු ලබන ආයතන අතර ශ්‍රී ලන්කන් ගුවන් සමාගම ඉදිරියෙන්ම සිටින බවත්, එම නිසා ඒය ප්‍රතිව්‍යුහගත කිරීමට තීරණය කර ඇති බවයි.

මේ අතර, ශ්‍රීලංකන් 2022-23 මූල්‍ය වර්ෂයේදී ඩොලර් මිලියන 3 ක ශුද්ධ ලාභයක් ලබාගනු ලැබුවේ 2008 දී එමිරේට්ස් කළමනාකරණයෙන් ඉවත් වූ පසු බවත් Aviation Voice වාර්තා කර තිබේ.

මේ බව  පොදු ව්‍යාපාර පිළිබඳ කාරක සභාවට (COPE) හිදී අනාවරණය වී ඇති බවද ඒම මාධ්‍ය වාර්තා වැඩිදුරටත් පෙන්වාදී ඇත.

ඒ් අනුව ශ්‍රීලංකන් සමාගම  පොළියට පෙර මෙහෙයුම් ලාභය ලෙස ඩොලර් මිලියන 104ක් උපයා ඇති බවත්, එහි ප්‍රතිඵලයක් ලෙස ඩොලර් මිලියන 101ක පොලී වියදම්වලින් පසු ඩොලර් මිලියන 3ක ශුද්ධ ලාභයක් උපයා ඇති බවත් පසුගියදා කෝප් කමිටුව සමඟ පැවැති සාකච්ඡාවකදී ගුවන් සමාගම අනාවරණය කර තිබේ.

කෙසේ වෙතත්, ප්‍රධාන වශයෙන් ගුවන් සමාගමේ විනිමය පාඩු (රුපියල් බිලියන 63 ක විනිමය අලාභය) හේතුවෙන් ගුවන් සමාගම රුපියල් අනුව රුපියල් බිලියන 69 ක අලාභයක් වාර්තා කළ නමුත් මෙය 2021-22 වර්ෂයේ සිට රුපියල් බිලියන 163 ක පාඩුවෙන් අඩුවීමක් බවද පැවස‌ේ.

ක‌ෝප් කමිටුවේදී ශ්‍රීලංකන් ගුවන් සමාගමේ ප්‍රධාන විධායක නිලධාරී රිචඩ් නට්ල්  2023-24 මූල්‍ය වර්ෂය සඳහා ශ්‍රීලංකන් එයාර්ලයින්ස් ඩොලර් බිලියන 1 කට වැඩි ආදායමක් ඇස්තමේන්තු කර ඇති අතර භූමිය හැසිරවීමෙන් ඩොලර් මිලියන 60 ක් සහ ආහාර සැපයීමෙන් ඩොලර් මිලියන 40 ක් ඇස්තමේන්තු කර ඇති බවද ‌පෙන්වාදී ඇත.

වසංගතය හේතුවෙන් සේවකයින් වැටුප් කප්පාදු කළ එකම රාජ්‍ය ව්‍යවසාය (SOE) එය බැවින් 2022 දී ගුවන් සමාගම ඩොලර් මිලියන 80 ක් ඉතිරි කර ගත් බව ඔහු පවසා ඇත.

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved