ලෝක පාරිභෝගික අයිතිවාසිකම් දිනය අදට (මාර්තු 15) යෙදී තිබේ.

“තිරසර ජීවන රටාවකට සාධාරණ සංක්‍රමණයක්” යන්න මෙවර ලෝක පාරිභෝගික දිනයේ තේමාවයි.

පරිසරයට අනුවර්ථනය වූ වගකීමෙන් පිරුණු ජීවන රටා ගැන දැනුම්වත් කිරීමේ වැදගත්කම පිළිබඳව කාලීනව අවධානයක් යොමුකරමින් මෙවර එම තේමාව යටතේ පාරිභෝගික දිනය සමරනු ලබයි.

සියලුම පාරිභෝගිකයින්ගේ මූලික අයිතිවාසිකම් ප්‍රවර්ධනය කිරීමට සහ එම අයිතිවාසිකම්වලට ගරු කිරීමට සහ ආරක්ෂා කිරීමට දිරිගැන්වීමට අවස්ථාවක් ලබාදීම මෙම දිනයේ ප්‍රධාන අරමුණකි.

ලෝක පාරිභෝගික අයිතිවාසිකම් දිනය ප්‍රථම වරට 1983 දී සමරනු ලැබූ අතර, 1962 මාර්තු 15 වන දින ජනාධිපති ජෝන් එෆ්. කෙනඩි එක්සත් ජනපද කොංග්‍රසය අමතමින් කළ කතාව සිහිපත් කිරීම වෙනුවෙන් මෙම දිනය තෝරාගෙන තිබේ.

අත්‍යවශ්‍ය ආහාර ද්‍රව්‍ය 22ක ඇස්තමේන්තු මිල පරාසයන් පාරිභෝගික කටයුතු පිළිබඳ අධිකාරිය විසින් ප්‍රකාශයට පත් කර තිබේ.

අදාළ මිල ගණන් ලබන 16 වැනිදා දක්වා වලංගු වන බව සඳහන්ය.

පාරිභෝගික කටයුතු පිළිබඳ අධිකාරිය මගින් සහල් සඳහා ගැසට් මගින් පනවා ඇති තොග මිල, උපරිම සිල්ලර මිල වෙනස්කර හෝ ඉවත්කර නොමැති බව නිවේදනයක් නිකුත් කරමින් දැනුම් දී තිබේ.

නිවේදනයේ සඳහන් වන්නේ, සහල් සඳහා පනවා ඇති පාලන මිල ඉවත්කර තිබේ ද යන්න සම්බන්ධව සිල්ලර වෙළෙඳුන් නිරන්තරයෙන් පාරිභෝගික කටයුතු පිළිබඳ අධිකාරියෙන් විමසීම් සිදුකරන බවයි.

පාරිභෝගික කටයුතු පිළිබඳ අධිකාරිය මගින් සහල් සඳහා නිකුත් කරඇති මිල ගණන් වෙනස්කර ඇති බවට සිල්ලර වෙළෙඳුන්ට ප්‍රකාශකරමින් සහල් වැඩි මිලට අලෙවි කිරීම සඳහා ඇතැම් වී මෝල් හිමියන් සහ තොග වෙළෙඳුන් කටයුතු කරන බවට තොරතුරු වාර්තා වී බවද අධිකාරීය දැනුම් දී තිබේ.

ඒ අනුව කැකුළු සහල් විකිණිය හැකි උපරිම සිල්ලර මිල රුපියල් 220.00 ක්, නාඩු සහල් උපරිම සිල්ලර මිල රුපියල් 230.00 ක් , සම්බා සහල් උපරිම සිල්ලර මිල රුපියල් 240.00 ක් සහ කීරි සම්බා සහල් උපරිම සිල්ලර මිල රුපියල් 260.00 ක් විය යුතු බව සඳහන් වේ.

එම මිලට වඩා වැඩි මිලට සහල් අලෙවිකරණ වෙළෙඳුන්ට එරෙහිව නීතිය තදින්ම ක්‍රියාත්මක කිරීමට අඛණ්ඩවම වැටලීම් සහ විමර්ශන දිවයින පුරා ක්‍රියාත්මක කරන බව  එම අධිකාරිය නිවේදනයක් නිකුත් කරමින් දැනුම්දී ඇත.

ඒ අනුව, මෙම වසරේ මාර්තු 12 වන දින දක්වා වෙළෙඳසැල් 5,500 කට වැඩි සංඛ්‍යාවක් විමර්ශන සිදුකර ඇති අතර එහිදී වැරදි කරන ලද වෙළෙඳුන් 4,070 ක් සඳහා නීතිමය පියවර ගෙන තිබේ.

එමෙන්ම එම වැරදි කරන ලද වෙළෙඳුන් අතරින් සහල් සම්බන්ධව වෙළෙඳුන් 1,555 කට නීතිමය පියවර ගැනීමට කටයුතු කර ඇත.

සහල් වැඩි මිලට අලෙවිකළ වෙළෙඳුන් 462 ක්, මිල ප්‍රදර්ශනය නොකළ වෙළෙඳුන් 1,004 ක් මෙන්ම සහල් සඟවා තබන ලද සහ විකිණීම ප්‍රතික්ෂේප කරන ලද වෙළෙඳුන් 89 ක් ද ඒ අතර වේ.

මෙම වසරේ මාර්තු 12 දින දක්වා වෙළෙඳුන් 4,122 ක් සඳහා නඩු පැවරීම් සිදුකර ඇති අතර ඒ සඳහා අධිකරණ මගින් නියමකර ඇති දඩ මුදල රුපියල් මිලියන 61 කි.

ඊයේ (12) දිනයේදී ද දිවයින පුරා වෙළෙඳසැල් 139 ක සිදුකරන ලද විමර්ශන වලදී සහල් වැඩිමිලට අලෙවිකළ වත්තල, මතුගම, පාදුක්ක, පිටකොටුව සහ මාවනැල්ල ප්‍රදේශවල වෙළෙඳුන් 10 ක්, මිල ප්‍රදර්ශනය නොකළ වෙළෙඳුන් 24 ක්, සහල් සඟවා තබන ලද වෙ‍ෙළඳුන් ඇතුළු ව්‍යාපාරිකයන් 101 කට පමණ නීතිමය පියවර ගෙන ඇති බව සඳහන් වේ.

කිරි සම්බා සහ සම්බා සහල් සම්බන්ධව වැඩි අවධානයක් යොමුකරමින් මෙම වැටලීම් තවදුරටත් දිවයින පුරා අඛණ්ඩවම ක්‍රියාත්මක කරන බව වැඩිදුරටත් සඳහන් කරයි.