හැටන් නගරයට අද (05) දිවයිනේ විවිධ ප්‍රදේශවල සිට පොල් තොග වශයෙන් අලෙවි කිරිමට විශාල තොග වෙලෙදුන් පිරිසක් පැමිණ තිබේ.

එම වෙළෙඳුන් ප්‍රමාණයෙන් විශාල පොල් ගෙඩියක් රු 160 ක තොග මිලකට සිල්ලර වෙළෙඳුන්ට අලෙවි කළද සිල්ලර වෙලෙදුන් විසින් වැඩි ලාභයක් උපයා ගැනිමේ අරමුණින් පොල් ගෙඩියක් රු 180-220 දක්වා වු විවිධ සිල්ලර මිල ගණන් යටතේ අලෙවි කරනු ලබයි.

සිල්ලර වෙලෙදුන් කියා සිටින්නේ තොග වෙලෙදුන්ගෙන් ලබාගන්නා පොල් වලින් පොල්ගෙඩි කිහිපයක් නරක් වන බවත්, එහි පාඩුව පිරිමහ ගැනිම සදහා පොල් ගෙඩියකින් රු 30-40 ලාභයක් තබන බවත් ය.

සහල් හිගයට කඩිනම් විසඳුමක් ලෙස පිටකොටුව ආනයනකරුවෝ සහල් මෙට්‍රික් ටොන් 25000 ත් 30000 ක් අතර ප්‍රමාණයක් ඉන්දියාවෙන් ඇණවුම් කර ඇති බව අත්‍යවශ්‍ය ආහාර ආනයනයකරුවන්ගේ සංගමය පවසයි.

රජය පෞද්ගලික අංශයටත් සහල් ආනයනය කිරීමට අවසර ලබාදීම අනුව මෙම සහල් තොග ආනයනය කර තිබේ.

සහල් ආනයනය කිරීමට අවසර ලබා දී ඇති දෙසැම්බර් 31 දක්වා කාලය ප්‍රමාණවත් නොමැති හේතුවෙන් තමන්ට සහල් ගෙන්වීමට හැකි වනුයේ සුළු ප්‍රමාණයක් බවත් ආනයනකරුවන් පවසයි.

නාඩු, කැකුළු හා සම්බා සහල් මෙසේ ආනයන කරන බවද ආනයනකරුවන් වැඩිදුරටත් පැවසුවේය.

විදේශ විනිමය උපයා ගැනීමේ කාර්යසාධනය තවදුරටත් ඉහළ නංවමින් ඔක්තෝබර් මාසයේදී රුපියල් කෝටි 32,000ක (අමෙරිකානු ඩොලර් මිලියන 1,097.1) අපනයන ආදායමක් ළඟා කර ගැනීමට ශ්‍රී ලංකාව සමත්ව තිබේ.

මෙම වසරේ ඔක්තෝබර් මාසයේ අපනයන කාර්යසාධනය ශ්‍රී ලංකා රේගුව මඟින් නිකුත් කරන ලද තාවකාලික දත්තවලට අනුව, 2024 ඔක්තෝබර් මාසයේදී වෙළෙඳ භාණ්ඩ අපනයන කාර්යසාධනය අමෙරිකානු ඩොලර් මිලියන 1,097.1ක් වූ අතර එය පසුගිය 2023 වසරේ ඔක්තෝබර් මාසයට සාපේක්ෂව 18.22%ක වර්ධනයක් බව ශ්‍රී ලංකා අපනයන සංවර්ධන මණ්ඩලය පවසයි.

ඇඟලුම් සහ රෙදිපිළි අපනයනය, තේ, රබර් ආශ්‍රිත නිෂ්පාදන, පොල් ආශ්‍රිත නිෂ්පාදන සහ කුළුබඩු සහ සාන්ද්‍රිත නිෂ්පාදන වන අතර 2024 සැප්තැම්බර් මාසයට සාපේක්ෂව 2024 ඔක්තෝබර් මාසයේදී අපනයන කාර්යසාධනය 8.44%කින් වැඩි වී තිබෙන බවද එම මණ්ඩලය පෙන්වා දෙයි.

2024 ඔක්තෝබර් මාසය සඳහා සේවා අපනයනවල ඇස්තමේන්තුගත වටිනාකම අමෙරිකානු ඩොලර් මිලියන 323.17ක් වූ අතර එය 2023 අනුරූප කාලපරිච්ඡේදයට වඩා 19.75%කින් වැඩිවී තිබේ.

එහි ප්‍රතිඵලයක් වශයෙන්, 2024 ඔක්තෝබර් මාසය සඳහා වෙළෙඳ භාණ්ඩ සහ සේවා යන දෙකම ඇතුළුව මුළු අපනයනය, 2023 අනුරූප කාලපරිච්ඡේදයට වඩා 18.57%ක වර්ධනයක් සහිතව, අමෙරිකානු ඩොලර් මිලියන 1,420.27ක් ලෙස වාර්තා වේ.

මේ සම්බන්ධයෙන් අදහස් දැක්වූ අපනයන සංවර්ධන මණ්ඩලයේ සභාපති මංගල විජේසිංහ මහතා :

“2024 ඔක්තෝබර් මාසයේදී අත්කරගත් කැපී පෙනෙන අපනයන කාර්ය සාධනය නිහතමානීව අගය කරනවා. වෙළෙඳ භාණ්ඩ සහ සේවා අපනයනවල (18.22% වර්ධනය) සැලකිය යුතු ලෙස වැඩි වීම යහපත් ප්‍රවණතාවක්. අපනයන ක්ෂේත්‍රයේ සියලු පාර්ශ්වකරුවන් සිදු කරන මෙම කැපවීම පිළිබඳ මම ප්‍රශංසා කරන අතර අපගේ අපනයන විභවයන් තවදුරටත් ඉහළ නැංවීමට සහ ශ්‍රී ලංකාවේ ආර්ථිකය ශක්තිමත් කිරීමට අපනයන සංවර්ධනය සහ ප්‍රවර්ධනය කිරීමට ඉදිරියේදී අප සියලු දෙනා එක්ව කටයුතු කළ යුතු වෙනවා”.